முந்தைய ஆட்சியாளர்களுக்கு ஆட்சி அதிகாரம் கிடைக்கும் போது இயங்கி வந்த அரசாங்கங்களே இருந்தன; ஆனால், தற்போதைய அரசாங்கம் பொறுப்பேற்க வேண்டியிருந்தது, அபிவிருத்தி திட்டங்கள் மட்டுமின்றி முழுப் பொருளாதாரமும் முற்றிலும் ஸ்தம்பித்து சீர்குலைந்திருந்த ஒரு நாட்டையே ஆகும் என ஜனாதிபதி அநுர குமார திசாநாயக்க தெரிவித்துள்ளார்.
பொலன்னறுவையில் இடம்பெற்ற விவசாயிகள் பேரணியில் உரையாற்றிய ஜனாதிபதி, வாகன இறக்குமதி முதல் கடவத்தை-மீரிகம அதிவேக நெடுஞ்சாலை, கட்டுநாயக்க விமான நிலைய அபிவிருத்தி, வடமத்திய மகா கால்வாய், கீழ் மல்வத்து ஓயா திட்டம் மற்றும் நாடு முழுவதிலும் உள்ள பல வைத்தியசாலைக் கட்டிடங்களின் பணிகள் முந்தைய ஆட்சியின் போது பாதியிலேயே நிறுத்தப்பட்டிருந்ததாகச் சுட்டிக்காட்டினார்.
கடன் செலுத்த முடியாது என அறிவித்து நாடு நன்மையிழந்து (வங்கித்துரோத்து நிலைக்கு) தள்ளப்பட்டதால், வெளிநாட்டு கடன்களும் உதவிகளும் கூட நாட்டிற்கு முற்றாக இல்லாது போயிருந்ததை அவர் நினைவுகூர்ந்தார்.
இருப்பினும், 2024 டிசம்பரில் சர்வதேச கடன் வழங்குநர்களுடன் பேச்சுவார்த்தை நடத்தி கடன்களை மறுசீரமைக்க நடவடிக்கை எடுக்கப்பட்டதாகவும், அதன்படி 2028 ஆம் ஆண்டு முதல் அக்கோரிக்கைக் கடன்களைத் திரும்பச் செலுத்தத் தொடங்குவதற்கான அவகாசக் காலம் பெறப்பட்டதாகவும் தெரிவித்த ஜனாதிபதி, அதன் பின்னர் இடைநிறுத்தப்பட்டிருந்த அனைத்து அபிவிருத்தித் திட்டங்களையும் மீண்டும் ஆரம்பித்து வெளிநாட்டு உதவிகளைப் பெறுவதற்கான வழி திறக்கப்பட்டதாகவும் குறிப்பிட்டார்.
நாட்டின் மக்களுக்கு வாக்குறுதிகளை நிறைவேற்றுவதற்கு முன், சீர்குலைந்திருந்த பொருளாதாரத்தை ஸ்திரப்படுத்துவதே அரசாங்கத்தின் முன்னிருந்த மிக முக்கிய சவாலாக இருந்தது எனச் சுட்டிக்காட்டிய அவர், இன்று எரிபொருள் வரிசைகள், எரிவாயு தட்டுப்பாடு அல்லது மின்வெட்டு குறித்த பயமில்லாத ஸ்திரமான நிலைக்கு நாடு கொண்டுவரப்பட்டுள்ளதாக வலியுறுத்தினார்.
மத்திய கிழக்கு மோதல்களுக்கு மத்தியில் உலகச் சந்தையில் கச்சா எண்ணெய் பீப்பாய் ஒன்றின் விலை டொலரில் அதிகரித்த போதிலும், நாட்டில் எவ்வித எரிபொருள் வரிசைகளும் உருவாக இடமளிக்கவில்லை என்றும், 507 ரூபாவாக இருந்த டீசல் லீட்டருக்கு 100 ரூபா மானியம் வழங்கி, அதனை 407 ரூபா விலைக்கு வழங்கி மக்களுக்கு நிவாரணம் அளித்ததாகவும் அவர் கூறினார்.
‘தித்வா’ சூறாவளியினால் ஏற்பட்ட பாரிய சேதங்கள் மற்றும் மத்திய கிழக்கு நெருக்கடிகளுக்கு மத்தியிலும், மகா திறைசேரியிலிருந்து நிதியை ஒதுக்கி மக்களின் வாழ்வாதாரத்தைப் பாதுகாத்ததாகக் குறிப்பிட்ட ஜனாதிபதி அநுர குமார திசாநாயக்க, எந்தவொரு உள்நாட்டு அல்லது வெளிநாட்டு நெருக்கடிகளையும் எதிர்கொள்ளக்கூடிய வலுவான பொருளாதாரம் இன்று கட்டியெழுப்பப்பட்டுள்ளதாகவும், முப்பது ஆண்டுகளுக்குப் பிறகு மகா திறைசேரியின் அதிகபட்ச வருமானத்தைப் பதிவு செய்யத் தற்போதைய ஆட்சி சமர்த்தாகியுள்ளதாகவும் மேலும் வலியுறுத்தினார்.
