மகாவலி ஆற்றுப்படுகையைச் சுற்றியுள்ள பல பகுதிகளில் அடுத்த 48 மணி நேரத்திற்குள் வெள்ளப்பெருக்கு ஏற்பட வாய்ப்புள்ளதாக நீர்ப்பாசனத் திணைக்களம் எச்சரிக்கை விடுத்துள்ளது.
நேற்று இரவு முதல் சில மேல் நீரோட்ட நீரேந்தும் பகுதிகளில் பெய்த குறிப்பிடத்தக்க மழையால் மகாவலி நதியின் தாழ்வான பகுதிகளில் வெள்ளப்பெருக்கு ஏற்படும் வாய்ப்பு அதிகரித்துள்ளது என திணைக்களம் தெரிவித்துள்ளது.
அதன்படி, கிண்ணியா, மூதூர், கந்தளாய், சேருவில, வெலிகந்த, மெதிரிகிரிய, லங்காபுர, தமன்கடுவ மற்றும் திம்புலாகல ஆகிய பிரதேச செயலாளர் பிரிவுகளுக்கு வெள்ளப்பெருக்கு அபாயம் உள்ளது.
மேலும், சோமாவதிய ரஜமஹா விகாரைக்கான அணுகல் சாலையான மட்டக்களப்பு-பொலன்னறுவை சாலையின் சில பகுதிகள் (குறிப்பாக கல்லெல்ல பகுதியில்) வெள்ளத்தில் மூழ்கக்கூடும் என்றும், கோயிலைச் சுற்றியுள்ள பகுதிகள் வெள்ளத்தில் மூழ்கக்கூடும் என்றும் அந்த அறிவுறுத்தலில் குறிப்பிடப்பட்டுள்ளது.
சோமாவதிய ரஜமஹா விகாரைக்குச் செல்லத் திட்டமிடும் பக்தர்கள், அடுத்த சில நாட்களுக்கு மறு அறிவித்தல் வரும் வரை அந்தப் பகுதிக்குச் செல்வதைத் தவிர்க்குமாறு கேட்டுக் கொள்ளப்படுகிறார்கள்.
மேற்கூறிய பகுதிகளில் மகாவலி ஆற்றுக்கு அருகில் வசிக்கும் குடியிருப்பாளர்கள், மிகவும் விழிப்புடன் இருக்கவும், வெள்ளப்பெருக்கு அபாயத்தை கருத்திற்கொண்டு தங்கள் பாதுகாப்பை உறுதி செய்ய தேவையான அனைத்து முன்னெச்சரிக்கை நடவடிக்கைகளையும் எடுக்குமாறு கேட்டுக் கொள்ளப்படுகிறார்கள்.
நீர்ப்பாசனத் திணைக்களத்தின், பொருத்தமான தயார்நிலை மற்றும் பதிலளிப்பு நடவடிக்கைகளைத் தொடங்க சம்பந்தப்பட்ட அனர்த்த முகாமைத்துவ அதிகாரிகளிடம் கோரிக்கை விடுத்துள்ளது.
