நானும், மைத்திரியும் தான் ஞானசாரருக்கு பொதுமன்னிப்பு கொடுத்தோம் - காவி உடையை களையவில்லை - ரனில் Open Talk

# News.#Braking news # Braking news.#Braking news.#Tredsnding.

நானும், மைத்திரியும் தான் ஞானசாரருக்கு பொதுமன்னிப்பு கொடுத்தோம் - காவி உடையை களையவில்லை - ரனில் Open Talk

ShortNews   October 10, 2026

ஞானசார தேரர் சிறையிலடைக்கப்பட்டதைத் தொடர்ந்து, பௌத்த மத மற்றும் பௌத்த ஒழுக்கக் விதிகள் தொடர்பான சிக்கலொன்று உருவெடுத்துள்ளதாக முன்னாள் ஜனாதிபதி ரணில் விக்ரமசிங்க தெரிவித்துள்ளார்.

கொழும்பு - ப்ளவர் வீதியிலுள்ள தமது அரசியல் அலுவலகத்தில் ஐக்கிய தேசியக் கட்சியின் சட்டத்தரணிகளுடன் இடம்பெற்ற சந்திப்பிலேயே அவர் இதனைத் தெரிவித்துள்ளார்.

இது தொடர்பில் மேலும் கருத்துத் தெரிவித்த அவர், "ஹோமாகம நீதவான் நீதிமன்றில் இடம்பெற்ற சம்பவத்தை அடுத்து, அப்போதைய நீதவான் ரங்க திஸாநாயக்கவின் அறிவித்தலுக்கு அமைவாகவே ஞானசார தேரருக்கு எதிராக மேன்முறையீட்டு நீதிமன்றம் சிறைத்தண்டனை விதித்தது.

எனினும், அன்று அவர் சிறைக்கு அனுப்பி வைக்கப்பட்ட போது அவரது காவி உடை  களையப்படவில்லை. இது தொடர்பாக அப்போதைய நீதி அமைச்சர் தலதா அத்துகோரள, கொடபிட்டியே ராகுல தேரருக்கு அனுப்பிய கடிதத்தில் காவி உடை களையப்பட மாட்டாது என உறுதியளிக்கப்பட்டிருந்தது.

ஒரு வருடத்தின் பின்னர் பௌத்த பிக்குகள் சிலர் என்னைச் சந்தித்துப் பேசுகையில், குற்றவியல் வழக்குகளில் பௌத்த விதிகளின்படி 'பாராஜிகா' (மன்னிக்க முடியாத 4 பெருங் குற்றங்கள்)) நிலையை அடைந்தால் மட்டுமே காவி உடையை அகற்ற முடியும் எனக் சுட்டிக்காட்டினர்.

நீதிமன்றத்தை அவமதித்தமை 'பாராஜிகா' குற்றமாகாது என்றும், மத விதிகளின்படி பிக்குகளை அழைத்து எச்சரித்து அல்லது தியானப் பயிற்சிகளுக்கு அனுப்ப மட்டுமே விதிகளில் இடமுள்ளது என்றும் தெரிவித்தனர்.

அத்துடன், 'பாராஜிகா' அல்லாத ஒரு விடயத்திற்காகக் காவி உடையை அகற்றுவது அரசியலமைப்பின் 9 ஆவது பிரிவுக்கு முரணானது என்பதையும் சுட்டிக்காட்டினர்.

இதனையடுத்து அப்போதைய ஜனாதிபதி மைத்ரிபால சிறிசேனவுடன் இது குறித்துப் பேசுமாறு நான் அவர்களிடம் கேட்டுக்கொண்டேன்.

ஒரு வருட சிறைத்தண்டனை கழிந்த பின்னர், தேரரின் காவி உடையை அகற்றிச் சிறையில் வைத்திருப்பதா அல்லது பொதுமன்னிப்பு வழங்கி விடுவிப்பதா என்பது குறித்து அமைச்சரவையிலும் பேசப்பட்டது.

அக்காலகட்டத்தில் அப்போதைய பிரதமராக நான் உட்பட ஏனைய அமைச்சர்கள் இணைந்து, அரசியலமைப்பின் 9 ஆவது பிரிவின் கீழ் அவருக்குப் பொதுமன்னிப்பு வழங்கத் தீர்மானித்தோம். காவி உடையைக் களைந்திருந்தால் அது மிகப்பெரிய மதப் பிரச்சினையாக உருவெடுத்திருக்கும்.

இந்தியாவில் பிரதம நீதியரசரை 'தலித்' என சாதி ரீதியாக இழிவுபடுத்திச் செருப்பால் அடித்த சம்பவத்தில் கூட எச்சரிக்கை செய்யப்பட்டு அல்லது குறுகிய காலப் பகுதியிலேயே விடுவிக்கப்பட்ட சம்பவங்கள் உண்டு.

எனவே, ஞானசார தேரரின் விடயத்தில் தண்டனை வழங்கப்பட்ட பின்னர் உருவானது பௌத்த மத மற்றும் ஒழுக்க ரீதியான பிரச்சினையாகும். இங்குப் பௌத்த பிக்குகளின் பெரும்பான்மையான கருத்துக்களுக்கே முன்னுரிமை அளிக்கப்பட்டது.

இவ்வாறான மத ரீதியான விவகாரத்தில் மாற்று அமைப்புகள் (CPA போன்றவை) தலையிடுவதை ஏற்றுக்கொள்ள முடியாது" என அவர் மேலும் குறிப்பிட்டார்.

நாகொட துப்பாக்கிச் சூடு: சந்தேக நபரை மட்டக்களப்பில் தட்டித் தூக்கிய அதிரடிப்படை. - எப்படி?

# News.#Braking news # Braking news.#Braking news.#Tredsnding.

நாகொட துப்பாக்கிச் சூடு: சந்தேக நபரை மட்டக்களப்பில் தட்டித் தூக்கிய அதிரடிப்படை. - எப்படி?

ShortNews   October 10, 2026

களுத்துறை, நாகொட பகுதியில் நேற்று (9) முற்பகல் உணவகமொன்றின் முன்பாக நடத்தப்பட்ட துப்பாக்கிச் சூட்டில் நபரொருவர் உயிரிழந்ததுடன் பெண் ஒருவர் படுகாயமடைந்த சம்பவம் தொடர்பில் சந்தேகநபர் ஒருவர் கைது செய்யப்பட்டுள்ளார்.

கைதுசெய்யப்பட்ட நபர் இந்த சம்பவத்துடன் தொடர்புடைய துப்பாக்கிதாரி என தெரிவிக்கப்படுகிறது.

கொழும்பு மத்திய பஸ் நிலையத்தில் இருந்து பஸ் மூலம் மட்டக்களப்பு நோக்கி தப்பிச் சென்று கொண்டிருந்த நிலையில் வாழைச்சேனை - நாவலடி சந்திப் பகுதியில் விசேட அதிரடிப்படையினரால் வீதித் தடை அமைக்கப்பட்டு, குறித்த பஸ் சோதனையிடப்பட்ட போதே சந்தேகநபர் மடக்கிப் பிடிக்கப்பட்டுள்ளார்.

இந்த நிலையில், மேலதிக விசாரணைகளுக்காக சந்தேகநபர் வாழைச்சேனை பொலிஸ் நிலையத்தில் ஒப்படைக்கப்பட்டுள்ளார்.

கைது செய்யப்பட்ட சந்தர்ப்பத்தில் சந்தேகநபரிடமிருந்து 40 கிராம் 'ஐஸ்' போதைப்பொருள், ஒரு ஸ்மார்ட் கைப்பேசி மற்றும் 6 சிம் அட்டைகள் என்பன கைப்பற்றப்பட்டுள்ளன.

ஈரானியக் கப்பல்களுக்கு உதவுவதில் இலங்கையின் ஒத்துழைப்பு அவசியம்!

ஈரானியக் கப்பல்களுக்கு உதவுவதில் இலங்கையின் ஒத்துழைப்பு அவசியம்!

ShortNews   October 10, 2026

 

சர்வதேசக் கடற்பரப்பில் சிக்குண்டுள்ள ஈரானியக்

இனவாதம் முழுமையாக மாறுவதற்கு நீண்ட காலம் எடுக்கும்!

#News.#Breaking news #Braking news.#Braking news.#Trending

இனவாதம் முழுமையாக மாறுவதற்கு நீண்ட காலம் எடுக்கும்!

ShortNews   October 10, 2026

 

அரசாங்கத்துக்கு ஆதரவாக எழுதுவதாக

சிறைச்சாலையில் அனோஜன் சிவராசாவைச் சந்தித்தார் இலங்கைத் தூதுவர்

#news#breaking#srilanka news#trading#update

சிறைச்சாலையில் அனோஜன் சிவராசாவைச் சந்தித்தார் இலங்கைத் தூதுவர்

Zameera   October 10, 2026

 

சவூதி அரேபியாவின் டம்மாம் மத்திய சிறைச்சாலையில் தடுத்து வைக்கப்பட்டுள்ள இலங்கைப் பிரஜையான அனோஜன் சிவராசாவை, சவூதி அரேபியாவுக்கான இலங்கைத் தூதுவர் ஓ.எல். அமீர் அஜ்வாட் 8ஆம் திகதி வியாழக்கிழமை சந்தித்து, அவரது உடல்நிலை மற்றும் தற்போதைய நிலைமை தொடர்பில் கேட்டறிந்துள்ளார்.

ரியாத்தில் உள்ள இலங்கைத் தூதரகம் வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

சவூதி அரேபியத் தலைநகர் ரியாத்திலிருந்து சுமார் 450 கிலோமீற்றர் தொலைவில் டம்மாம் மத்திய சிறைச்சாலை அமைந்துள்ளது.

சவூதி அரேபியாவில் பணிபுரிந்து வந்த 27 வயதுடைய இலங்கைப் பிரஜையான அனோஜன் சிவராசா, சமூக ஊடகத்தில் இஸ்லாமிய இறைத்தூதர் நபிகள் நாயகத்தை  அவமதிப்பதாகக் கருதப்பட்ட கருத்தொன்றைப் பதிவிட்ட குற்றச்சாட்டில் கைது செய்யப்பட்டார். குறித்த பதிவுடன் தொடர்புடைய வழக்கில் அவர் தற்போது மரண தண்டனையை எதிர்நோக்கியுள்ள நிலையில், அவருக்கு மன்னிப்பைப் பெற்றுக்கொடுப்பதற்கான முயற்சிகள் தீவிரப்படுத்தப்பட்டுள்ளன.

சிறைச்சாலைக்குச் சென்ற இலங்கைத் தூதுவர், சிவராசாவுடன் கலந்துரையாடி, அவரது தேவைகள் மற்றும் கவலைகள் தொடர்பில் கேட்டறிந்துள்ளார். இலங்கையின் வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத்துறை அமைச்சின் வழிகாட்டுதலின் கீழ், அவருக்குத் தேவையான தூதரக மற்றும் சட்ட உதவிகளைத் தொடர்ந்து வழங்குவதாகவும் தூதுவர் உறுதியளித்துள்ளார்.

மேலும், அனோஜன் சிவராசா நேரடியாகத் தொடர்புகொள்வதற்கு வசதியாகத் தனது தொடர்பு விபரங்களையும் தூதுவர் அவரிடம் பகிர்ந்துகொண்டுள்ளார்.

சந்திப்பின் பின்னர் கருத்துத் தெரிவித்த தூதுவர் அமீர் அஜ்வாட், அனோஜன் சிவராசா நல்ல உடல்நலத்துடன் இருப்பதாகவும், அவரது நலனில் சவூதி சிறைச்சாலை அதிகாரிகள் கவனம் செலுத்தி வருவதாகவும் தெரிவித்துள்ளார்.

இதனைத் தொடர்ந்து, டம்மாம் மத்திய சிறைச்சாலையின் பணிப்பாளர் மற்றும் சிறைச்சாலை மருத்துவர் ஆகியோரையும் தூதுவர் சந்தித்துள்ளார். இந்தச் சந்திப்புக்கு ஒத்துழைப்பு வழங்கியமைக்கும், அனோஜன் சிவராசாவுக்குத் தேவையான பராமரிப்புகளை வழங்கி வருவதற்கும் அவர் தனது நன்றியைத் தெரிவித்துள்ளார்.

இதேவேளை, சவூதி அரேபிய உச்ச நீதிமன்றத்தில் முன்னெடுக்கப்படும் மேன்முறையீட்டுச் செயற்பாடுகளுக்கும் இலங்கைத் தூதரகம் உதவி வழங்கி வருவதாக அறிக்கையில் குறிப்பிடப்பட்டுள்ளது.

அனோஜன் சிவராசாவுக்கு மன்னிப்பைப் பெற்றுக்கொடுப்பதற்கான முயற்சிகளுடன், அவருக்குத் தேவையான சட்ட மற்றும் தூதரக உதவிகளைத் தொடர்ந்து வழங்குவதில் இலங்கைத் தூதரகம் கவனம் செலுத்தி வருகின்றது.

விநியோகத்தை கட்டுப்படுத்தினால் சட்டநடவடிக்கை - அமைச்சர் அநுர கருணாதிலக்க

#breaking#srilanka news#trading#updates

விநியோகத்தை கட்டுப்படுத்தினால் சட்டநடவடிக்கை - அமைச்சர் அநுர கருணாதிலக்க

Zameera   October 10, 2026

 

தனியார் எரிபொருள் நிறுவனங்கள் தொடர்ந்து எரிபொருள் விநியோகத்தைக் கட்டுப்படுத்தி நுகர்வோரை அசெளகரியத்துக்கு உள்ளாக்கினால், அதற்கு எதிராக சட்டப்பூர்வமாக எடுக்கக்கூடிய அனைத்து நடவடிக்கைகளும் எடுக்கப்படும் என வலுசக்தி அமைச்சர் அநுர கருணாதிலக்க தெரிவித்துள்ளார்.

கம்பஹா பகுதியில் ஊடகங்களுக்குக் கருத்து தெரிவிக்கும் போது இதனை குறிப்பிட்ட அவர், உலக சந்தையில் எரிபொருள் விலை உயர்ந்துள்ள போதிலும், அதற்கு இணையான சதவீதத்தில் இலங்கையில் எரிபொருள் விலை உயர்த்தப்படவில்லை என்றும் சுட்டிக்காட்டினார்.

எரிபொருள் விலை உயர்வில் பெரும் பகுதியை அரசாங்கமே மானியமாக ஏற்றுக்கொண்டுள்ளதாகவும் அவர் தெளிவுபடுத்தினார்.

இதன்போது தொடர்ந்து பேசிய அமைச்சர், "எரிபொருள் விலை 10 ரூபாவால் உயரும் போது, அரசாங்கமாக நாம் 70 ரூபாவை மானியமாக வழங்குகிறோம் என்பதை யாரும் பேசுவதில்லை. உலக சந்தையில் எரிபொருள் விலையேற்றத்திற்கு இணையான தொகையை நாம் இங்கு உயர்த்தவில்லை.

முன்னதாக மானியங்களுக்காக 57 பில்லியன் ரூபாவை அரசாங்கம் ஒதுக்கியிருந்தது. இனிவரும் மூன்று மாதங்களுக்கும் மேலும் 41 பில்லியன் ரூபாவை மானியமாக ஒதுக்கீடு செய்ய நடவடிக்கை எடுக்கப்பட்டுள்ளது."

"தற்போதுள்ள பொருளாதார சூழ்நிலையைக் கருத்திற்கொண்டு, இந்த விலை உயர்வின் ஒரு பகுதியைத் தாங்கிக்கொள்ளுமாறு தனியார் நிறுவனங்களுக்கு அறிவுறுத்தப்பட்டுள்ளது.

ஆனால், சில தனியார் எரிபொருள் நிலையங்கள் விநியோகத்தைக் கட்டுப்படுத்தி நுகர்வோரை அசெளகரியத்திற்கு உள்ளாக்க முயற்சிக்கின்றன. அவர்கள் கோரும் அளவுக்கு விலையை உயர்த்தி நுகர்வோரைப் பாதிக்க நாங்கள் ஒருபோதும் அனுமதிக்க மாட்டோம்."

"ஒப்பந்தங்களின்படி விலை சூத்திரம் (Price Formula) அல்லது செலவு அடிப்படையிலான விலையேற்றத்திற்குச் செல்ல அவர்களுக்கு வாய்ப்புள்ளது. ஆனால், அவர்கள் தொடர்ந்து விநியோகத்தைக் கட்டுப்படுத்தி மக்களுக்கு அசெளகரியத்தை ஏற்படுத்தினால் சட்டப்படி எடுக்கக்கூடிய அனைத்து நடவடிக்கைகளையும் எடுப்போம்.

முதலீட்டாளர்களைப் பாதிப்பது எங்கள் நோக்கமல்ல; அதேவேளை, நுகர்வோர் பாதிக்கப்படுவதையும் நாங்கள் ஒருபோதும் அனுமதிக்க முடியாது" என அமைச்சர் உறுதியாகத் தெரிவித்துள்ளார்.

சிறைச்சாலை விதிமுறைகளை புதுப்பிக்க நியமிக்கப்பட்ட விசேட குழு சந்திப்பு!

சிறைச்சாலை விதிமுறைகளை புதுப்பிக்க நியமிக்கப்பட்ட விசேட குழு சந்திப்பு!

ShortNews   October 10, 2026

 

சிறைச்சாலை விதிமுறைகள் மற்றும் நிலையான

கொழும்பு துறைமுக நகரத்தில் கூர்மையான ஆயுதத்தால் தாக்கப்பட்டு ஒருவர் உயிரிழப்பு

#news#breaking#srilanka news#trading#update

கொழும்பு துறைமுக நகரத்தில் கூர்மையான ஆயுதத்தால் தாக்கப்பட்டு ஒருவர் உயிரிழப்பு

Zameera   October 10, 2026

 

கொழும்பு துறைமுக நகரத்தில் (Colombo Port City) பணியாளர்கள் தங்கும் விடுதிக்கு அருகில் கூர்மையான ஆயுதத்தால் தாக்கப்பட்டு ஒருவர் உயிரிழந்துள்ளார்.

தாக்குதலில் படுகாயமடைந்த நபர் வைத்தியசாலையில் அனுமதிக்கப்பட்ட பின்னரே சிகிச்சை பலனின்றி உயிரிழந்ததாக பொலிஸார் தெரிவித்தனர்.

உயிரிழந்தவரின் அடையாளம்  இதுவரை உறுதிப்படுத்தப்படவில்லை  என பொலிஸார் தெரிவித்துள்ளனர்.

இரு குழுக்களுக்கு இடையே ஏற்பட்ட வாக்குவாதம் முற்றியதையடுத்து, கூர்மையான ஆயுதத்தால் இத்தாக்குதல் நடத்தப்பட்டதாக முதற்கட்ட விசாரணைகளில் தெரியவந்துள்ளது.

இச்சம்பவம் தொடர்பாக 26 வயதுடைய சந்தேக நபர் ஒருவர் கைது செய்யப்பட்டுள்ளதுடன், கொழும்பு துறைமுகப் பொலிஸார் மேலதிக விசாரணைகளை நடத்தி வருகின்றனர்.

நவநீதம் பிள்ளைக்கு அமைதிக்கான நோபல் பரிசு : சர்வதேச குற்றவியல் நீதிமன்றத்தின் மீது அமெரிக்கா புதிய பொருளாதாரத் தடைகள்

#new#news#update#newupdate#srilanka

நவநீதம் பிள்ளைக்கு அமைதிக்கான நோபல் பரிசு : சர்வதேச குற்றவியல் நீதிமன்றத்தின் மீது அமெரிக்கா புதிய பொருளாதாரத் தடைகள்

Zameera   October 10, 2026

 

சர்வதேச சட்டம் மற்றும் மனித உரிமைகளைப் பாதுகாப்பதில் நீண்டகாலமாகப் பங்களித்து வரும் தென்னாபிரிக்க சட்ட நிபுணர் நவநீதம் “நவி” பிள்ளைக்கு 2026ஆம் ஆண்டுக்கான அமைதிக்கான நோபல் பரிசு அறிவிக்கப்பட்ட சில மணி நேரங்களிலேயே, அமெரிக்க ஜனாதிபதி டொனால்ட் ட்ரம்ப் நிர்வாகம் சர்வதேச குற்றவியல் நீதிமன்றத்தின் மீது புதிய பொருளாதாரத் தடைகளை விதித்துள்ளது

2026 ஒக்டோபர் 9ஆம் திகதி அறிவிக்கப்பட்ட இந்த நோபல் பரிசு, சர்வதேச அமைதி மற்றும் சட்டத்தின் ஆட்சியை மேம்படுத்துவதற்காக நவி பிள்ளை ஆற்றிய பணிகளை அங்கீகரிக்கும் வகையில் வழங்கப்பட்டுள்ளது. போர்க்குற்றங்கள், மனிதகுலத்திற்கு எதிரான குற்றங்கள் மற்றும் இனப்படுகொலை தொடர்பான குற்றச்சாட்டுகளுக்கு நீதியை நிலைநாட்டுவதில் அவர் ஆற்றிய பங்களிப்பையும் நோபல் குழு சுட்டிக்காட்டியுள்ளது.

அமெரிக்க நிர்வாகம் சர்வதேச குற்றவியல் நீதிமன்றத்தை இலக்காகக் கொண்டு விரிவான தடைகளை அறிவித்துள்ளது. அமெரிக்க மற்றும் இஸ்ரேலிய அதிகாரிகளுக்கு எதிரான நீதிமன்றத்தின் நடவடிக்கைகள் மற்றும் விசாரணைகளை எதிர்ப்பதே இந்த நடவடிக்கைகளுக்கான முக்கிய காரணமாக அமெரிக்கத் தரப்பு தெரிவித்துள்ளது.

இந்தத் தடைகள் நீதிமன்றத்தின் நிதிப் பரிவர்த்தனைகள், அமெரிக்க நிதிச் சேவைகளுக்கான அணுகல் மற்றும் தொழில்நுட்பச் சேவைகளைப் பாதிக்கக்கூடும். சர்வதேச நீதிமன்றத்தின் செயற்பாடுகளை முடக்குவதற்கான முயற்சியாக இந்த நடவடிக்கை பார்க்கப்படுகிறது.

அமெரிக்காவின் இந்த நடவடிக்கையை சர்வதேச குற்றவியல் நீதிமன்றம் கடுமையாகக் கண்டித்துள்ளது.

2026 ஒக்டோபர் 9ஆம் திகதி வெளியிட்ட அறிக்கையில், நீதிமன்றத்தின் மீதான தடைகள் சட்டத்தின் ஆட்சிக்கும் சர்வதேச சட்ட ஒழுங்கின் அடிப்படைகளுக்கும் எதிரான தாக்குதல் என சர்வதேச குற்றவியல் நீதிமன்றம் தெரிவித்துள்ளது.

இனப்படுகொலை, போர்க்குற்றங்கள், மனிதகுலத்திற்கு எதிரான குற்றங்கள் உள்ளிட்ட மிகக் கடுமையான சர்வதேசக் குற்றங்களை விசாரித்து வழக்குத் தொடரும் பொறுப்பைக் கொண்ட நீதிமன்றத்தின் சுதந்திரமான செயற்பாடுகளைத் தடுக்கும் நோக்கில் இந்நடவடிக்கை அமைந்துள்ளதாகவும் நீதிமன்றம் சுட்டிக்காட்டியுள்ளது.

மேலும், நீதிமன்றத்தின் பணிகள் தொடர்வதற்கு ஆதரவளிக்குமாறு ரோம் சட்டத்தின் கீழ் அங்கத்துவம் வகிக்கும் 125 நாடுகளிடமும் சர்வதேச குற்றவியல் நீதிமன்றம் வேண்டுகோள் விடுத்துள்ளது.

தென்னாப்பிரிக்காவின் டேர்பனில் இந்தியத் தமிழ் வம்சாவளிக் குடும்பத்தில் பிறந்த நவி பிள்ளை, இனப் பாகுபாட்டுக்கு எதிராகவும் மனித உரிமைகளைப் பாதுகாப்பதற்காகவும் நீண்டகாலமாகப் பணியாற்றியவர்.

தென்னாப்பிரிக்க நீதித்துறையில் பணியாற்றியதுடன், ருவாண்டாவுக்கான சர்வதேச குற்றவியல் தீர்ப்பாயத்தின் தலைவராகவும், ஐக்கிய நாடுகள் சபையின் மனித உரிமைகளுக்கான உயர்ஸ்தானிகராகவும் அவர் பதவி வகித்துள்ளார். சர்வதேச குற்றவியல் நீதிமன்றத்திலும் நீதிபதியாகப் பணியாற்றியுள்ளார்.

அவருக்கு வழங்கப்பட்டுள்ள அமைதிக்கான நோபல் பரிசு, சர்வதேச சட்டத்தை நிலைநாட்டுவதற்கும் போர்க்குற்றங்கள் மற்றும் இனப்படுகொலைகளுக்குப் பொறுப்புக்கூறலை உறுதிப்படுத்துவதற்கும் அவர் ஆற்றிய பங்களிப்புக்கான அங்கீகாரமாகக் கருதப்படுகிறது.

சர்வதேச குற்றவியல் நீதிமன்றத்தின் மீது அமெரிக்கா விதித்துள்ள புதிய தடைகள், சர்வதேச நீதித்துறையின் சுதந்திரம் மற்றும் நாடுகளுக்கிடையிலான சட்ட ஒத்துழைப்பு தொடர்பில் புதிய விவாதங்களை ஏற்படுத்தியுள்ளன.

அமெரிக்காவின் நடவடிக்கைக்கு எதிராக நீதிமன்றமும் மனித உரிமை அமைப்புகளும் கவலை வெளியிட்டுள்ள நிலையில், நீதிமன்றத்தின் செயற்பாடுகளுக்கு ஆதரவளிப்பது தொடர்பில் அதன் உறுப்பு நாடுகள் எவ்வாறு செயல்படுகின்றன என்பது சர்வதேச அளவில் கவனிக்கப்படும் விடயமாகியுள்ளது.

இந்தச் சம்பவம், சர்வதேச சட்டத்தின் ஆட்சி, மனித உரிமைகள் மற்றும் அரசியல் அதிகாரம் ஆகியவற்றுக்கிடையிலான முரண்பாடுகளை மீண்டும் முன்னிலைக்குக் கொண்டுவந்துள்ளது.

ரியாத்திற்கான ஸ்ரீலங்கன் விமான சேவைகள் தற்காலிகமாக இடைநிறுத்தம்

#news#breaking#srilanka news#trading#update

ரியாத்திற்கான ஸ்ரீலங்கன் விமான சேவைகள் தற்காலிகமாக இடைநிறுத்தம்

Zameera   October 10, 2026

 

சவூதி அரேபியாவின் ரியாத் நகருக்கான அனைத்து விமான சேவைகளையும் ஒக்டோபர் 18 ஆம் திகதி வரை தற்காலிகமாக இடைநிறுத்துவதற்கு ஸ்ரீலங்கன் ஏர்லைன்ஸ் நடவடிக்கை எடுத்துள்ளது.

 

ரியாத் விமான நிலையத்தைச் சுற்றி அண்மையில் நிலவிய பாதுகாப்புச் சூழ்நிலை மற்றும் தொடர்ந்து முன்னெடுக்கப்பட்டு வரும் பாதுகாப்பு மற்றும் செயல்பாட்டு மறுஆய்வுகளைக் கருத்திற்கொண்டு இந்தத் தீர்மானம் எடுக்கப்பட்டுள்ளது.

 

பயணிகள் மற்றும் விமானப் பணிக்குழாமினரின் பாதுகாப்பே தங்களது முதன்மை முன்னுரிமை என்பதால், நிலவும் சூழ்நிலை வர்த்தக விமானச் செயல்பாடுகளுக்குப் பொருத்தமான மட்டத்தில் உள்ளது என்பது உறுதி செய்யப்பட்ட பின்னரே விமான சேவைகள் மீண்டும் தொடங்கப்படும் என ஸ்ரீலங்கன் ஏர்லைன்ஸ் தெரிவித்துள்ளது.

 

இது தொடர்பான மேலதிக தகவல்களைப் பெற்றுக்கொள்வதற்கு இலங்கையிலிருந்து தொடர்புகொள்வதாயின் 1979 என்ற இலக்கத்திற்கும், சர்வதேச அழைப்புகளுக்கு +94 11 777 1979 என்ற இலக்கத்திற்கும், WhatsApp செய்திகளுக்கு மட்டும் +94 74 444 1979 என்ற இலக்கத்திற்கும் தொடர்புகொள்ள முடியும்.

 

இதுதவிர, உங்களது பயண முகவர் (Travel Agent) மூலமாகவோ அல்லது ஸ்ரீலங்கன் ஏர்லைன்ஸின் உத்தியோகபூர்வ இணையத்தளத்திற்குச் சென்றோ தேவையான தகவல்களைப் பெற்றுக்கொள்ள முடியும் என அந்நிறுவனம் அறிவித்துள்ளது.

கச்சத்தீவை வைத்து இனி தமிழக அரசியல்வாதிகளால் அரசியல் செய்ய முடியாது

#breaking#srilanka news#trading#updates

கச்சத்தீவை வைத்து இனி தமிழக அரசியல்வாதிகளால் அரசியல் செய்ய முடியாது

Zameera   October 10, 2026

 

கச்சத்தீவு விவகாரம் தொடர்பில் இந்திய உயர் நீதிமன்றம் தெரிவித்த கருத்தை வரவேற்பதோடு, இனியும் தமிழக அரசியல்வாதிகள் தமிழக மக்களை ஏமாற்ற முடியாது என யாழ்ப்பாண மாவட்ட கடற்றொழிலாளர் கூட்டுறவுச் சங்கங்களின் சமாசத் தலைவர் அந்தோணிப்பிள்ளை மரியதாஸ் தெரிவித்துள்ளார்.

 

யாழ். மாவட்ட கடற்றொழிலாளர் கூட்டுறவுச் சங்கத்தில் நேற்று (09) இடம்பெற்ற ஊடகவியலாளர் சந்திப்பின்போதே அவர் இவ்வாறு குறிப்பிட்டார்.

 

அவர் மேலும் தெரிவிக்கையில்,"தமிழகத்தில் தேர்தல் வரும்போது 'கச்சத்தீவை மீட்போம்', 'கச்சத்தீவு தமிழக மீனவர்களுக்குச் சொந்தமான கடல் பரப்பு' எனத் தமிழக மீனவ மக்களை ஏமாற்றி, உசுப்பேத்தி வாக்குகளை அபகரித்து வருகின்றனர்.

 

கடந்த வருட தேர்தலின் போது அப்போதைய தமிழக வெற்றிக் கழகத்தின் முதலமைச்சர் வேட்பாளரும், தற்போதைய தமிழக முதலமைச்சருமான விஜய் கூட தனது பிரச்சாரத்தில் 'கச்சத்தீவை மீட்போம்' என வாக்கு வேட்டையில் ஈடுபட்டார்.

 

நாம் அன்றிலிருந்து இன்று வரை தொடர்ச்சியாகக் கூறி வருவது, கச்சத்தீவு எமது கடல் பிரதேசம்; எமது எல்லைக்குள் மீன்பிடிக்க வர வேண்டாம் என்பதே ஆகும்.

 

ஆனால், தற்போது இந்திய உயர் நீதிமன்றம் 'கச்சத்தீவு இலங்கைக்குச் சொந்தமானது; அது தொடர்பில் மத்திய அரசு இலங்கையுடனான நல்லுறவில் உள்ளது' எனத் தெளிவாக விளக்கமளித்துள்ளது.

 

ஆகவே, இந்தியா, குறிப்பாகத் தமிழ்நாட்டில் இனிவரும் தேர்தல்களில் கச்சத்தீவை வைத்து அரசியல் செய்ய முடியாது. இனியாவது அந்த மக்கள் இதனை நன்கு உணர்ந்து நடக்க வேண்டும்" எனக் கூறினார்.

 

கிராண்ட்பாஸில் துப்பாக்கி மற்றும் கொக்கைனுடன் சிக்கிய நபர்!

கிராண்ட்பாஸில் துப்பாக்கி மற்றும் கொக்கைனுடன் சிக்கிய நபர்!

SHAHNI RAMEES   October 10, 2026

 

கிராண்ட்பாஸ், மஹவத்த பகுதியில் கைத்துப்பாக்கி ஒன்றும்,

சர்வதேச போட்டியில் இலங்கையை பிரதிநிதித்துவப்படுத்தும் தர்கா நகரின் கராத்தே வீரர்கள்!

#breaking#srilanka news#trading#updates

சர்வதேச போட்டியில் இலங்கையை பிரதிநிதித்துவப்படுத்தும் தர்கா நகரின் கராத்தே வீரர்கள்!

SHAHNI RAMEES   October 10, 2026

பயிற்சியாளர் மர்ஜான் ஹரீர் தலைமையிலான கராத்தே அணி,