சபரகமுவ மாகாண தமிழ் பாடசாலைகளுக்கு விசேட விடுமுறை!

சபரகமுவ மாகாண தமிழ் பாடசாலைகளுக்கு விசேட விடுமுறை!

ShortNews   November 06, 2026

சபரகமுவ மாகாணத்தில் உள்ள தமிழ் மொழிமூல பாடசாலைகளுக்கு தீபாவளிப் பண்டிகையை முன்னிட்டு எதிர்வரும் நவம்பர் 09 ஆம் திகதி திங்கட்கிழமை விடுமுறை வழங்கப்பட்டுள்ளது.

சபரகமுவ மாகாண கல்வி, தகவல் தொழில்நுட்பம் மற்றும் கலாசார விவகார அமைச்சின் செயலாளர் ஜீ. டி. லக்மலி யூ. குமாரியின் கையொப்பத்துடன் மாகாண கல்விப் பணிப்பாளர் மற்றும் அனைத்து வலய கல்விப் பணிப்பாளர்களுக்கும் இந்த உத்தியோகப்பூர்வ அறிவித்தல் விடுக்கப்பட்டுள்ளது.

இந்த வருடம் தீபாவளிப் பண்டிகை 08 அன்று ஞாயிற்றுக்கிழமை அமைந்துள்ளதைக் கருத்திற்கொண்டு, மாணவர்களின் வசதிக்காக அதற்கு மறுநாளான 09 திங்கட்கிழமை பாடசாலைகளுக்கு விடுமுறை வழங்குமாறு கோரிக்கைகள் முன்வைக்கப்பட்டிருந்தன.

அத்துடன், பெருந்தோட்ட மற்றும் சமூக உட்கட்டமைப்பு வசதிகள் பிரதி அமைச்சர் சுந்தரலிங்கம் பிரதீப் விடுத்த வேண்டுகோளுக்கு இணங்க இந்த விசேட விடுமுறைக்கு அனுமதி வழங்கப்பட்டுள்ளமை குறிப்பிடத்தக்கது.

அதற்கமைய, 09 அன்று தமிழ் மொழிமூல பாடசாலைகளுக்கு விடுமுறை வழங்குவதுடன், அதற்குப் பதிலாக 14 அன்று பாடசாலைகளை நடாத்துவதற்குரிய நடவடிக்கைகள் மேற்கொள்ளப்பட வேண்டும் என மாகாண அமைச்சினால் அறிவிக்கப்பட்டுள்ளது.

மேலும்,09 அன்று நடைபெறவிருந்த பாடசாலைப் பருவகாலப் பரீட்சை நடவடிக்கைகள், விடுமுறை காரணமாக அன்று நடைபெறாமல் மாற்றப்பட்டு, 14 ஆம் திகதிக்குரிய தினத்தில் நடாத்தப்படும் எனவும் மேலதிகமாகத் தெரிவிக்கப்பட்டுள்ளது.

இந்த அறிவித்தலின் பிரதிகள் சபரகமுவ மாகாணத்தின் பிரதான செயலாளர் மற்றும் ஆளுநர் ஆகியோருக்கும் மேலதிக நடவடிக்கைகளுக்காக அனுப்பி வைக்கப்பட்டுள்ளன.

வெள்ளத்தில் மூழ்கிய கொழும்பு தேசிய வைத்தியசாலை!

வெள்ளத்தில் மூழ்கிய கொழும்பு தேசிய வைத்தியசாலை!

ShortNews   November 06, 2026

கொழும்பில் பெய்த அடைமழை காரணமாக, கொழும்பு தேசிய வைத்தியசாலைக்குள் வெள்ளநீர் புகுந்துள்ளதாகத் தெரிவிக்கப்படுகிறது.

தொடர்ச்சியாகப் பெய்த கனமழையினால் வைத்தியசாலை வளாகத்தில் நீர் தேங்கியுள்ளதுடன், நோயாளர்கள் மற்றும் வைத்தியசாலைக்கு வருகை தரும் பொதுமக்கள் பல்வேறு அசௌகரியங்களை எதிர்கொண்டுள்ளனர்.

இதேவேளை, பல்வேறு வீதிகளில் வெள்ளப்பெருக்கு ஏற்பட்டதால் கொழும்பில் கடும் போக்குவரத்து நெரிசல் ஏற்பட்டுள்ளதுடன் வாகனங்கள் நீரில் மூழ்கும் அளவிற்கு வெள்ள நீர் வீதியில் பெருக்கெடுத்து ஓடுவதாகவும் தெரிவிக்கப்பட்டுள்ளது.

SJB எம்.பிக்கள் - இஸ்ரேலிய தூதரக அதிகாரி சந்திப்பு!

#Breaking News

SJB எம்.பிக்கள் - இஸ்ரேலிய தூதரக அதிகாரி சந்திப்பு!

SHAHNI RAMEES   November 06, 2026

 SJB எம்.பிக்கள் - இஸ்ரேலிய தூதரக அதிகாரி சந்திப்பு

ரயில் போக்குவரத்து தாமதம்!

ரயில் போக்குவரத்து தாமதம்!

ShortNews   November 06, 2026

கொழும்பு மற்றும் மருதானை ரயில் நிலையங்களுக்கு இடையிலான சமிக்ஞை அமைப்பில் ஏற்பட்ட கோளாறு காரணமாக அனைத்து வழித்தடங்களிலுமான ரயில் சேவைகள் பெரும் தாமதத்துடன் இயங்கி வருகின்றன.

இன்று (6) பிற்பகல் பெய்த கனமழை காரணமாகவே இந்த திடீர் கோளாறு ஏற்பட்டுள்ளது. 

இதன் காரணமாக அனைத்து ரயில் மார்க்கங்களிலும் போக்குவரத்து நடவடிக்கைகள் பாதிக்கப்பட்டுள்ளதாகத் தெரிவிக்கப்படுகிறது.

இதனிடையே, கொழும்பில் பெய்து வரும் பலத்த மழை காரணமாகச் சில பிரதான வீதிகள் வெள்ளத்தில் மூழ்கியுள்ளதுடன், நகரின் பல வீதிகளில் கடும் வாகன நெரிசலும் ஏற்பட்டுள்ளது.

கன மழையால் கொழும்பில் போக்குவரத்து பாதிப்பு!

கன மழையால் கொழும்பில் போக்குவரத்து பாதிப்பு!

ShortNews   November 06, 2026

திடீரென பெய்த கன மழை காரணமாக வீதிகளில் வெள்ளப்பெருக்கு ஏற்பட்டதால் கொழும்பில் கடும் போக்குவரத்து நெரிசல் ஏற்பட்டுள்ளதாகவும் பொலிஸார் தெரிவித்துள்ளனர்.

ரூ.500 மில்லியன் செலவில் நவீன நெல் உலர்த்தும் இயந்திரங்கள் - விசேட வேலைத்திட்டம்!

ரூ.500 மில்லியன் செலவில் நவீன நெல் உலர்த்தும் இயந்திரங்கள் - விசேட வேலைத்திட்டம்!

ShortNews   November 06, 2026

நாடு முழுவதும் உள்ள கூட்டுறவுச் சங்கங்களுக்கு 500 மில்லியன் ரூபாய் செலவில் நவீன தொழில்நுட்பத்துடன் கூடிய 50 நெல் உலர்த்தும் இயந்திரங்களை (Paddy Dryers) வழங்கும் திட்டத்தை வர்த்தக, வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சு ஆரம்பித்துள்ளது.

இதனுடன் தொடர்புடைய கூட்டுறவு ஆணையாளர்கள் மற்றும் பயனாளிகளான கூட்டுறவுச் சங்கங்களை விழிப்புணர்ச்சியூட்டும் விசேட கருத்தரங்கு ஒன்று, வர்த்தக, வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சர் வசந்த சமரசிங்கவின் தலைமையில் ஹெக்டர் கொப்பேகடுவ விவசாய ஆராய்ச்சி மற்றும் பயிற்சி நிறுவகத்தில் இன்று (6) ஏற்பாடு செய்யப்பட்டுள்ளது.

அமைச்சின் தகவலின்படி, இந்த இயந்திரங்கள் ஒவ்வொன்றும் ஒரு நாளைக்கு சுமார் 20 மெற்றிக்தொன் நெல்லை உலர்த்தும் திறனைக் கொண்டுள்ளன.

மிகவும் தொழிற்பாற்றலுள்ள மற்றும் நிலையான மட்டத்தில் உள்ள கூட்டுறவுச் சங்கங்கள் பற்றிய முறையான அறிக்கைகளைப் பெற்றுக் கொண்டதன் பின்னர், இந்த இயந்திரங்களை விநியோகிக்க நடவடிக்கைகள் எடுக்கப்பட்டுள்ளமை குறிப்பிடத்தக்கது.

கம்பஹா நீதவானுக்கு உடனடி இடமாற்றம்!

கம்பஹா நீதவானுக்கு உடனடி இடமாற்றம்!

ShortNews   November 06, 2026

கம்பஹா நீதவான் பந்துல குணரத்னவுக்கு உடனடியாக அமுலுக்கு வரும் வகையில் இடமாற்றம் வழங்கப்பட்டுள்ளது.

இதற்கமைய, அவரை நீதவான்களுக்கான பயிற்சி நிறுவகத்துக்கு இடமாற்றம் செய்வதற்கு நீதிச்சேவைகள் ஆணைக்குழு நடவடிக்கை எடுத்துள்ளது.

வரி செலுத்தும் மக்களுக்கான சேவையை பெற்றுக்கொள்ள கையேந்தி நிற்க வேண்டி ஏற்பட்டுள்ளது - அர்ச்சுனா இராமநாதன்!

வரி செலுத்தும் மக்களுக்கான சேவையை பெற்றுக்கொள்ள கையேந்தி நிற்க வேண்டி ஏற்பட்டுள்ளது - அர்ச்சுனா இராமநாதன்!

ShortNews   November 06, 2026

பிரௌண்ட் வீதி முதலாம் குறுக்கு தெருவிலுள்ள ரயில் கடவைக்கான சமிஞ்சை விளக்குகளை அமைத்து தருமாறு பாராளுமன்ற உறுப்பினர் அர்ச்சுனா இராமநாதன் கோரிக்கை விடுத்துள்ளார்.

இன்று (06) பாராளுமன்றத்தில் உரையாற்றும் போதே அவர் இந்த கோரிக்கையை விடுத்தார்.

இது தொடர்பில் மேலும் கூறுகையில், ஒரு தமிழனாக நான் வெட்கப்படுகின்றேன். காரணம், வடக்கு மாகாண மக்கள் பாண், பெற்றோல் உள்ளிட்ட பல பொருட்களுக்கு வரி செலுத்துகின்றனர். கோடிக்கணக்கில் வரி செலுத்தும் மக்களுக்கான சேவையை பெற்றுக்கொள்ள கையேந்தி நிற்க வேண்டிய நிலை ஏற்பட்டுள்ளதாக தனது கவலையை தெரிவித்துள்ளார்.

பிரௌண்ட் வீதி முதலாம் குறுக்கு தெருவிலுள்ள ரயில் கடவைக்கான சமிஞ்சை விளக்குகளை அமைத்து தருமாறு அமைச்சர் சந்திரசேகரிடம் கோரிக்கை விடுத்து 2 வருடங்கள் என்றும் இன்னும் சமிஞ்சை விளக்குகளை அமைத்து தரவில்லை என்றும் அவர் தெரிவித்தார்.

ரோஹித போகொல்லாகமவுக்கு பிணை

#breaking#srilanka news#trading#updates

ரோஹித போகொல்லாகமவுக்கு பிணை

Zameera   November 06, 2026

 

முன்னாள் வெளிவிவகார அமைச்சர் ரோஹித போகொல்லாகமவைப் பிணையில் விடுவிக்க கொழும்பு மேல் நீதிமன்றம் உத்தரவிட்டுள்ளது. 

ஊழல் குற்றச்சாட்டுத் தொடர்பான வழக்கில் பிணையில் விடுவிக்கப்பட்ட பின்னர், விசாரணைக்காக நீதிமன்றத்தில் ஆஜராகத் தவறியதால் விளக்கமறியலில் வைக்கப்பட்டிருந்த நிலையிலே அவருக்கு மீண்டும் பிணை வழங்கப்பட்டுள்ளது. 

இருப்பினும், பிணை நிபந்தனைகளைப் பூர்த்தி செய்ய முடியாத காரணத்தினால் அவர் மீண்டும் சிறைச்சாலைக்கு அழைத்துச் செல்லப்பட்டுள்ளார். 

கொழும்பு மேல் நீதிமன்ற நீதிபதி ரஷாந்த கொடவெல இந்த உத்தரவைப் பிறப்பித்துள்ளார். 

இதேவேளை, குற்றஞ்சாட்டப்பட்டவரைத் தரப்பு விளக்கமின்றி விடுவிக்குமாறு அவரது சட்டத்தரணிகள் முன்வைத்த கோரிக்கையையும் நீதிபதி நிராகரித்ததுடன், எதிர்த்தரப்பு சாட்சியங்களை முன்வைக்குமாறு உத்தரவிட்டுள்ளார்.

அங்கீகரிக்கப்பட்ட அரசியல் கட்சி அந்தஸ்த்தை இழந்த சுதந்திர கட்சி!

அங்கீகரிக்கப்பட்ட அரசியல் கட்சி அந்தஸ்த்தை இழந்த சுதந்திர கட்சி!

ShortNews   November 06, 2026

ஶ்ரீ லங்கா சுதந்திரக் கட்சியை தற்போது உத்தியோகபூர்வமாக அங்கீகரிக்கப்பட்ட ஒரு அரசியல் கட்சியாகக் கருதப்பட முடியாது என தேர்தல்கள் ஆணைக்குழு அக்கட்சியின் தரப்பினருக்கு அறிவித்துள்ளது.

அதற்கமைய, உத்தியோகபூர்வ தேர்தலை நடத்துதல் உள்ளிட்ட தேவையான அளவுகோல்களைப் பூர்த்தி செய்த பின்னர், அங்கீகரிக்கப்பட்ட அரசியல் கட்சியாகப் பதிவு செய்வதற்கு மீண்டும் கோரிக்கையைச் சமர்ப்பிக்குமாறு ஆணைக்குழு அறிவித்துள்ளது.

வருணி போகஹவத்த உள்ளிட்ட ஐவர் மீண்டும் விளக்கமறியலில்...

வருணி போகஹவத்த உள்ளிட்ட ஐவர் மீண்டும் விளக்கமறியலில்...

SHAHNI RAMEES   November 06, 2026

கொட்டவில பொலிஸ் நிலையத்தின் நிர்வாகப் பிரிவு

ஹோர்முஸ் நீரிணையில் கண்ணிவெடிகளில் சிக்கி இரு எண்ணெய்க் கப்பல்கள் தீப்பற்றி எரிந்ததாக ஈரான் அறிவிப்பு

#breaking#srilanka news#trading#updates

ஹோர்முஸ் நீரிணையில் கண்ணிவெடிகளில் சிக்கி இரு எண்ணெய்க் கப்பல்கள் தீப்பற்றி எரிந்ததாக ஈரான் அறிவிப்பு

Zameera   November 06, 2026

 

ஹோர்முஸ் நீரிணை வழியாக அனுமதியற்ற பாதைகளைப் பயன்படுத்திச் செல்ல முயன்ற இரண்டு எண்ணெய் கப்பல்கள், கண்ணிவெடிகளில் மோதியதால் தீப்பிடித்து எரிந்ததாக ஈரான் புரட்சிகர காவல் படை (IRGC) தெரிவித்துள்ளது.

சர்வதேச ஊடகங்களின் தகவல்படி, இந்த இரண்டு எண்ணெய் கப்பல்களும் ஒன்று ஹோர்முஸ் நீரிணையின் கிழக்கு பகுதியிலும், மற்றொன்று ஹோர்முஸ் நீரிணைக்குள்ளும் அந்த நீர்ப்பரப்பில் நிறுத்தப்பட்டன என்று IRGC குறிப்பிட்டுள்ளது.

இந்த இரண்டு கப்பல்களும் தங்கள் வழிசெலுத்தல் மற்றும் அடையாள அமைப்புகள் அனைத்தையும் அணைத்துவிட்டு, ஆக்கிரமிப்பு மற்றும் பயங்கரவாத அமெரிக்க இராணுவத்தின் ஆதரவுடன் அங்கிருந்து வெளியேற முயன்றதாக கூறப்படுகின்றது.

கண்ணிவெடிகளில் மோதிய பிறகு, அவை தீப்பிடித்து எரிந்தன, மேலும் அங்கேயே நிறுத்தப்பட்டன என்று அந்த அறிக்கையில் தெரிவிக்கப்பட்டுள்ளது.

இந்த முக்கியமான நீர்வழிப்பாதை தொடர்ந்து மூடப்பட்டிருக்கும் என்றும், அமெரிக்காவிடம் முன்வைக்கப்பட்ட ஏழு நிபந்தனைகள் நிறைவேற்றப்படும் வரை இதில் எந்த மாற்றமும் இருக்காது என்றும் IRGC மீண்டும் வலியுறுத்தியது. 

மேலும், எண்ணெய் கப்பல்களை அனுமதியற்ற மற்றும் கண்ணிவெடிகள் நிறைந்த பகுதிகள் வழியாகச் செல்லுமாறு அமெரிக்க இராணுவம் கட்டாயப்படுத்த முயற்சிப்பது, மீண்டும் மீண்டும் அவமானகரமான தோல்விகளுக்கே வழிவகுக்கும் என்றும் அது கூறியது.

வலி.வடக்கு பகுதிகளில் காணிகளை விடுவிக்க கோரி மக்கள் போராட்டம்!

#new#news#update#newupdate#srilanka

வலி.வடக்கு பகுதிகளில் காணிகளை விடுவிக்க கோரி மக்கள் போராட்டம்!

Zameera   November 06, 2026

 

யுத்தம் முடிவடைந்து 17 வருடங்கள் கடந்த நிலையிலும் , அப்பகுதிகளில் இருந்து பாதுகாப்பு தரப்பினர் வெளியேறாத நிலையில், அவை உயர்பாதுகாப்பு வலயமாகவே காணப்படுகிறது. 

இந்நிலையில் தமது காணிகளை விடுவிக்குமாறு பல வருடங்களாக காணி உரிமையாளர்கள் போராடி வரும் நிலையில் காணிகள் விடுவிக்கப்படாத நிலையில் காணிகளை விடுவிக்குமாறு பிரதி வெள்ளிக்கிழமைகளில் போராட்டங்களை முன்னெடுப்பதாக காணி உரிமையாளர்கள் முடிவெடுத்திருந்த நிலையில், இன்றைய தினம் 29ஆவது வெள்ளிக்கிழமை போராட்டத்தை முன்னடுத்தனர்.