2026 இறுதி காலாண்டில் மின்சாரக் கட்டணத் திருத்தம் இல்லை!

2026 இறுதி காலாண்டில் மின்சாரக் கட்டணத் திருத்தம் இல்லை!

ShortNews   November 10, 2026

2026ஆம் ஆண்டின் இறுதி காலாண்டில் மின்சார கட்டணக் திருத்தத்தை மேற்கொள்ளாமல் இருப்பதற்கு இலங்கை பொதுப் பயன்பாடுகள் ஆணைக்குழு தீர்மானித்துள்ளது.

 

இதன்படி, மூன்றாவது காலாண்டில் நடைமுறையிலிருந்த அதே மின் கட்டண முறைமையே இந்தக் காலாண்டிலும் அமுலில் இருக்கும் என அந்த ஆணைக்குழு குறிப்பிட்டுள்ளது.

 

தேசிய மின் கட்டமைப்பு செயற்பாட்டு நிறுவனத்தினால் (NSO) சமர்ப்பிக்கப்பட்ட செலவுத் தரவுகளின்படி, 2026ஆம் ஆண்டின் இறுதி காலாண்டில் மின் விநியோகத்திற்கான செலவு 2.88 சதவீதத்தால் அதிகரிக்கும் என ஆணைக்குழு அவதானித்துள்ளது.

 

இருப்பினும், நவம்பர் 9ஆம் திகதி புதுப்பிக்கப்பட்ட செலவுத் தரவுகள் மற்றும் பொதுமக்களுடனான கலந்தாலோசனையின் போது முன்வைக்கப்பட்ட கருத்துக்கள் மற்றும் யோசனைகளைக் கருத்திற் கொண்டு, மின் கட்டணத்தில் திருத்தம் எதுவும் தேவையில்லை என ஆணைக்குழு தீர்மானித்துள்ளது.

 

2026ஆம் ஆண்டின் இறுதிப் காலாண்டிற்கான தொடர்புடைய செலவுத் தரவுகளை NSO ஓகஸ்ட் 17ஆம் திகதிக்கு முன்னர் சமர்ப்பித்திருக்க வேண்டும் என்றபோதிலும், அந்தத் தரவுகள் ஒக்டோபர் 6ஆம் திகதியே ஆணைக்குழுவிற்குச் சமர்ப்பிக்கப்பட்டிருந்தன என்றும் ஆணைக்குழு வெளியிட்ட அறிவிப்பில் தெரிவிக்கப்பட்டுள்ளது.

 

மேர்ஸி கல்வி வளாகத்திற்கு தேசிய உற்பத்தித்திறன் விருது - அகில இலங்கை மட்டத்தில் மூன்றாம் இடம்!

மேர்ஸி கல்வி வளாகத்திற்கு தேசிய உற்பத்தித்திறன் விருது - அகில இலங்கை மட்டத்தில் மூன்றாம் இடம்!

ShortNews   November 10, 2026

புத்தளம், மதுரங்குளிய மேர்ஸி கல்வி வளாகத்திற்கு தேசிய உற்பத்தித்திறன் விருது: அகில இலங்கை மட்டத்தில் மூன்றாம் இடம் பெற்று வரலாற்றுச் சாதனை!
​

கைத்தொழில் மற்றும் தொழில் முயற்சியாண்மை அபிவிருத்தி அமைச்சின் மூலம் 2025/2026ஆம் ஆண்டுக்கான தேசிய உற்பத்தித்திறன் விருதுக்கான போட்டியில், மேர்ஸி கல்வி வளாகம் அகில இலங்கை மட்டத்தில் மூன்றாம் இடத்தைப் பெற்று வரலாற்றுச் சாதனை படைத்துள்ளது.

​2026.11.08 அன்று பண்டாரநாயக்க சர்வதேச மாநாட்டு மண்டபத்தில் (BMICH)  நடைபெற்ற தேசிய உற்பத்தித்திறன் விருது வழங்கும் விழாவிலேயே இந்த வரலாற்றுச் சிறப்புமிக்க வெற்றி உத்தியோகப்பூர்வமாக அறிவிக்கப்பட்டு, விருது வழங்கி கௌரவிக்கப்பட்டது.

​கல்வித் துறையில் உற்பத்தித்திறனை மேம்படுத்துவதையும், சிறந்த நிர்வாக முறைகளைப் பேணுவதையும் நோக்கமாகக் கொண்டு தேசிய மட்டத்தில் நடாத்தப்பட்ட இந்தப் போட்டியில் மேர்ஸி கல்வி வளாகம் இந்த மைல்கல்லை எட்டியுள்ளது.

​இந்த மாபெரும் சாதனையின் பின்னணியில் வளாகத்தின் உயர்மட்ட அதிகாரிகள், அர்ப்பணிப்புடன் உழைக்கும் அதிபர், ஆசிரியர்கள், அனைத்து ஊழியர்களின் தூய எண்ணம், கூட்டு முயற்சி , அயராத சேவைகளுக்கும் மாணவர்கள் மற்றும் அவர்களது பெற்றோர்களினதும் ஒத்துழைப்பிற்கும் கிடைத்துள்ள உன்னதமான அங்கீகாரமாகும்.

​இந்த வெற்றியானது மேர்ஸி கல்வி வளாகம்   எதிர்காலத்தில் மேலும் பல சாதனைகளை படைப்பதற்கு பெரும் ஊக்கமளிப்பதாக அமைந்துள்ளமை குறிப்பிடத்தக்கதாகும்.

கடுகன்னாவ பகுதியில் மண்சரிவு – மோட்டார் சைக்கிள் சேதம்!

#breaking#srilanka news#trading#updates

கடுகன்னாவ பகுதியில் மண்சரிவு – மோட்டார் சைக்கிள் சேதம்!

Zameera   November 10, 2026

 

கொழும்பு - கண்டி பிரதான வீதியின் கடுகன்னாவ பகுதியில் வீதியில் மண்மேடு மற்றும் பாறைகள் சரிந்து விழுந்துள்ளதாகப் பொலிஸார் தெரிவித்துள்ளனர்.

 

பாறை விழுந்ததன் காரணமாக வீதியோரத்தில் நிறுத்தப்பட்டிருந்த மோட்டார் சைக்கிள் ஒன்றிற்கும் சேதம் ஏற்பட்டுள்ளதாகப் பதிவாகியுள்ளது.

 

தற்போது அப்பகுதியில் லேசான மழை பெய்து வருவதாக 'அத தெரண' செய்தியாளர் தெரிவிக்கின்றார். 

”அது ஜோக்” | இலங்கை சுற்றுலா வழிகாட்டியை கடலுக்குள் தள்ளிவிட்டதற்க்கு விளக்கம் கூறும் இஸ்ரேலிய பத்திரிகையாளர்!

”அது ஜோக்” | இலங்கை சுற்றுலா வழிகாட்டியை கடலுக்குள் தள்ளிவிட்டதற்க்கு விளக்கம் கூறும் இஸ்ரேலிய பத்திரிகையாளர்!

SHAHNI RAMEES   November 10, 2026

 

இஸ்ரேலிய சுற்றுலாப் பயணி ஒருவர், இலங்கை

அரச தோட்ட நிலங்களின் குத்தகை காலம் நீடிக்கப்படும் - ஜீவன் தொண்டமான்!

அரச தோட்ட நிலங்களின் குத்தகை காலம் நீடிக்கப்படும் - ஜீவன் தொண்டமான்!

ShortNews   November 10, 2026

அரச தோட்ட நிலங்களின் குத்தகை காலம் நீடிக்கப்படுமென ஜனாதிபதி அநுரகுமார திசாநாயக்க தமக்குத் தெரிவித்துள்ளதாக இலங்கை தொழிலாளர் காங்கிரஸின் பொதுச்செயலாரும், எதிர்க்கட்சி பாராளுமன்ற உறுப்பினருமான ஜீவன் தொண்டமான் தெரிவித்துள்ளார்.

இவ்விடயம் தொடர்பில் அவர் மேலும் தெரிவிக்கையில்,

அரச பெருந்தோட்டக்கூட்டுத்தாபனத்துக்குச் சொந்தமான 117 ஹெக்டெயர், மக்கள் தோட்டப் அபிவிருத்திச் சபையின் கீழ் உள்ள 88 ஹெக்டெயர் மற்றும் எல்கடுவப் பிளான்டேஷன்ஸ் லிமிடெட்டுக்குச் சொந்தமான 42 ஹெக்டெயர் நிலங்களின் உரிமங்களை மாற்றுவதற்கு ஜனாதிபதி அநுரகுமார தலைமையிலான அரசாங்கம் முன்வைத்த யோசனைக்கு எனது எதிர்ப்புக்களை உத்தியோக பூர்வமாக அறிவித்தோம்.

கடந்த தேர்தல் காலத்தில் தேசிய மக்கள் சக்தி தனது அட்டன் பிரகடனத்தில், பயிரிடப்படாத பெருந்தோட்ட நிலங்களைப் பெருந்தோட்டச் சமூகங்களைச் சேர்ந்த இளைஞர்களுக்குப் பகிர்ந்தளிப்பதாக உறுதியளித்திருந்ததையும் சுட்டிக்காட்டினோம்.

எவ்வாறாயினும், அந்த வாக்குறுதியை நிறைவேற்றுவதற்குப் பதிலாக, 3,000 ஏக்கருக்கும் அதிகமான பெருந்தோட்ட நிலங்களைத் தனியார் தரப்பினருக்கு மாற்றுவது குறித்து அரசாங்கம் பரிசீலித்து வருகிறது. மேற்படி மூன்று அரசுக்குச் சொந்தமான தோட்டங்களில் 7,00இற்கும்அதிகமான பதிவு செய்யப்பட்ட தொழிலாளர்கள் இருக்கின்றனர்.

அந்த வகையில் மேற்படி நடவடிக்கை தொடர்பில் அரசாங்கம் அங்கு பணிபுரியும் பெருந்தோட்ட மக்கள் மற்றும் சிவில் சமூக அமைப்புக்களுடன் எத்தகைய கலந்தாலோசனைகளும் நடத்தப்படவில்லை. பாதிக்கப்பட்டுள்ள சமூகங்களுக்கு இந்த முன்மொழியப்பட்ட நடவடிக்கை குறித்து எந்தவொரு உத்தியோகபூர்வ அறிவிப்பும் கிடைக்கவில்லை.

பாராளுமன்றத்தில் வி.இராதாகிருஷ்ணன் எம்.பி.எழுப்பிய கேள்விக்கு சம்பந்தப்பட்ட பிரதி அமைச்சர் அளித்த பதிலானது போதுமானதாகவும் இல்லை, திருப்திகரமானதாகவும் இல்லை. இவ்வாறான நிலையில் குறித்த விடயம் சம்பந்தமாக ஜனாதிபதியின் கவனத்துக்கு கொண்டுவரப்பட்டதை அடுத்து அரச தோட்டங்களின் குத்தகைக்காலம் நீடிக்கப்படுமென தெரிவித்துள்ளார் என்றார்.அரசுச் செய்திகள்

எரிபொருள் விநியோகஸ்தர்கள் போராட்டம்!

எரிபொருள் விநியோகஸ்தர்கள் போராட்டம்!

ShortNews   November 10, 2026

பல கோரிக்கைகளை முன்வைத்து, இலங்கை பெற்றோலிய விநியோகஸ்தர்கள் சங்கத்தினர் இன்று (10) காலை கொழும்பு உலக வர்த்தக மையத்திற்கு (WTC) முன்பாக அமைதி போராட்டமொன்றை முன்னெடுத்தனர்.

தனியார் நிறுவனங்களுக்குச் சொந்தமான எரிபொருள் நிரப்பு நிலையங்களுக்கு தடையின்றி எரிபொருள் விநியோகிக்கப்பட வேண்டும் எனப் போராட்டத்தில் ஈடுபட்டவர்கள் கோரிக்கை விடுத்தனர்.

அத்துடன், தங்களுக்கான தரகுப் பணத்தை 3.6 சதவீதத்திலிருந்து 1.5 சதவீதமாகக் குறைக்கும் தீர்மானத்திற்கும் அவர்கள் எதிர்ப்புத் தெரிவித்தனர்.

மேலும், எரிபொருள் விலை நிர்ணய சூத்திரத்தை ஒழுங்குபடுத்துவதற்குப் பொருத்தமான அதிகாரியொருவரை நியமிக்க வேண்டும் என்றும் அவர்கள் வலியுறுத்தினர்.

மூன்று தனியார் நிறுவனங்களைப் பிரதிநிதித்துவப்படுத்தும் பெற்றோலிய விநியோகஸ்தர்கள் சங்க உறுப்பினர்களால் இந்த அமைதி போராட்டம் ஏற்பாடு செய்யப்பட்டிருந்தது.

நுவரெலிய நீர்த்தேக்கங்களின் நீர்மட்டம் அதிகரிப்பு!

நுவரெலிய நீர்த்தேக்கங்களின் நீர்மட்டம் அதிகரிப்பு!

ShortNews   November 10, 2026

நுவரெலியா மாவட்டத்தின் பல்வேறு பகுதிகளில் பெய்து வரும் கனமழை காரணமாக, அங்குள்ள நீர்த்தேக்கங்களின் நீர்மட்டம் சடுதியாக அதிகரித்துள்ளது.

இதற்கமைய, மேல்கொத்மலை நீர்த்தேக்கத்தின் இரண்டு வான் கதவுகள் நேற்று (09) மாலை முதல் திறக்கப்பட்டுள்ளன. இதனால், சென் கிளையர் நீர்வீழ்ச்சியின் கீழ்ப்பகுதியில் பாயும் நீரின் அளவு அதிகரித்துள்ளது.

அதேவேளை, நோர்வூட் பகுதியில் பெய்த கடும் மழையைத் தொடர்ந்து, விமலசுரேந்திர நீர்த்தேக்கம் தொடர்ந்து வான் பாய்ந்து வருகிறது. குறித்த நீர்த்தேக்கத்தின் நீரேந்து பகுதிகளில் 125 மில்லிமீற்றர் மழைவீழ்ச்சி பதிவாகியுள்ளது.

விமலசுரேந்திர நீர்த்தேக்கம் வான் பாய்வதால், கெஹல்கமுவ ஓயா மற்றும் களனி கங்கையின் நீர்மட்டம் அதிகரித்துள்ளதாக நோர்வூட் பொலிஸார் தெரிவித்துள்ளனர்.

இதேவேளை, தொடர்ச்சியான மழை காரணமாக காசல்ரீ மற்றும் மவுசாக்கலை நீர்த்தேக்கங்களின் நீர்மட்டங்களும் உயர்ந்துள்ளன.

டெங்கு ஒழிப்பு நடவடிக்கைகளை விரைவுபடுத்த புதிதாக விசேட மையம்!

#news#breaking#srilanka news#trading#update

டெங்கு ஒழிப்பு நடவடிக்கைகளை விரைவுபடுத்த புதிதாக விசேட மையம்!

Zameera   November 10, 2026

 

டெங்கு ஒழிப்பு மற்றும் ஒருங்கிணைப்பு நடவடிக்கைகளை முறையாகவும் விரைவாகவும் முன்னெடுப்பதற்காக சுகாதார மற்றும் ஊடக அமைச்சின் புதிய 'டெங்கு நுளம்பு ஒழிப்பு செயல்பாட்டு அலுவலகம்' (Dengue Control Operations Office) திறந்து வைக்கப்பட்டுள்ளது.

சுகாதார அமைச்சின் அனர்த்த முன்னாயத்த மற்றும் அவசர கால பதிலளிப்பு பிரிவை மையமாகக் கொண்டு இந்த அலுவலகம் நிறுவப்பட்டுள்ளது.

தற்போது நிலவும் வானிலை மாற்றங்கள் காரணமாகக் நுளம்புகளின் பெருக்கம் அதிகரித்துள்ளமையையும், டெங்கு நோயாளர்களின் எண்ணிக்கை அதிகரிக்கும் போக்கையும் கருத்திற்கொண்டு, சுகாதார அமைச்சு நேற்று (9) முதல் 14ஆம் திகதி வரை 'விசேட டெங்கு ஒழிப்பு வாரத்தை' பிரகடனப்படுத்தியுள்ளது.

இதன்படி, டெங்கு அபாயம் நிலவும் 13 மாவட்டங்களிலுள்ள 74 சுகாதார வைத்திய அதிகாரி (MOH) பிரிவுகளை உள்ளடக்கியதாகச் செயல்படுத்தப்படும் இந்த விசேட ஒழிப்பு வாரத்தின் ஒருங்கிணைப்பு மற்றும் கட்டுப்பாட்டு நடவடிக்கைகள் அனைத்தும் இந்தப் புதிய செயல்பாட்டு அலுவலகத்தின் மூலமாகப் மேற்பார்வை செய்யப்படவுள்ளன.

காற்றழுத்த தாழ்வு மண்டலம் குறித்து எதிர்வுகூறல்!

காற்றழுத்த தாழ்வு மண்டலம் குறித்து எதிர்வுகூறல்!

ShortNews   November 10, 2026

தென்கிழக்கு வங்கக் கடலில் ஏற்பட்டுள்ள வளிமண்டல தளம்பல், காற்றழுத்த தாழ்வுப் பகுதியாகவும் அதைத் தொடர்ந்து காற்றழுத்த தாழ்வு மண்டலமாகவும் வலுவடையக்கூடும் என வளிமண்டலவியல் திணைக்களம் எதிர்வுகூறியுள்ளது.

இதன் தாக்கம் எதிர்வரும் 15, 16 மற்றும் 17ஆம் திகதிகளில் நாட்டில் உணரப்படும் என வளிமண்டலவியல் திணைக்களத்தின் பணிப்பாளர் நாயகம் அஜித் விஜேமான்ன தெரிவித்துள்ளார்.

இதன்படி வடக்கு, வடமத்திய மற்றும் கிழக்கு மாகாணங்களில் மழைவீழ்ச்சி அதிகரிக்கும் சாத்தியக்கூறுகள் உள்ளன.

இருப்பினும், இது தொடர்பான துல்லியமான முன்னறிவிப்புகளை வழங்குவதற்குப் போதுமான தரவுகள் இன்னும் கிடைக்கப்பெறவில்லை என்றும், இது குறித்து மேலும் ஆய்வுகள் மேற்கொள்ளப்பட்டு, அவசியமான பட்சத்தில் எச்சரிக்கை அறிவிப்புகள் வெளியிட நடவடிக்கை எடுக்கப்படும் என்றும் பணிப்பாளர் நாயகம் குறிப்பிட்டார்.

இந்தக் காற்றழுத்த தாழ்வுப் பகுதி மேலும் வலுவடைந்து, கிழக்குக் கடற்கரையை அண்மித்து வடக்கு நோக்கி நகருமானால், அதன் தாக்கம் நாட்டில் மிகக் கடுமையாக இருக்கும் என்றும் அஜித் விஜேமான்ன வலியுறுத்தினார்.

இதேவேளை, வடக்கு மாகாணத்திலும் திருகோணமலை மாவட்டத்திலும் இடைக்கிடையே மழை அல்லது இடிமின்னலுடன் கூடிய மழை பெய்யக்கூடும் என வளிமண்டலவியல் திணைக்களம் இன்று (11) காலை வெளியிட்ட அறிக்கையில் தெரிவித்துள்ளது.

நாட்டின் ஏனைய பகுதிகளில் பிற்பகல் ஒரு மணிக்குக்குப் பின்னர் மழையோ அல்லது இடிமின்னலுடன் கூடிய மழையோ பெய்யக்கூடும்.

மேல், சப்ரகமுவ, மத்திய மற்றும் ஊவா மாகாணங்களிலும் காலி மற்றும் மாத்தறை மாவட்டங்களிலும் சில இடங்களில் 100 மில்லிமீற்றருக்கும் அதிகமான பலத்த மழை பெய்யக்கூடும் எனத் தெரிவிக்கப்பட்டுள்ளது.

இடிமின்னலுடன் கூடிய மழை பெய்யும் வேளைகளில் தற்காலிகமாக வீசக்கூடிய பலத்த காற்று மற்றும் மின்னல் தாக்கங்களினால் ஏற்படக்கூடிய ஆபத்துகளைக் குறைத்துக் கொள்வதற்குத் தேவையான முன்னெச்சரிக்கை நடவடிக்கைகளை எடுக்குமாறு பொதுமக்கள் கேட்டுக்கொள்ளப்படுகிறார்கள்.

மேலும், மேல், சப்ரகமுவ, மத்திய மற்றும் ஊவா மாகாணங்களிலும் காலி, மாத்தறை மற்றும் குருணாகல் மாவட்டங்களிலும் சில இடங்களில் அதிகாலை வேளையில் பனிமூட்டமான நிலை காணப்படலாம் எனவும் எதிர்வு கூறப்பட்டுள்ளது.

பிள்ளையானுக்கு மீண்டும் விளக்கமறியல்!

பிள்ளையானுக்கு மீண்டும் விளக்கமறியல்!

ShortNews   November 10, 2026

மட்டக்களப்பில் கடந்த 2008 ம் ஆண்டு ரி 56 ரக துப்பாக்கியால் சுட்டு 5 பேரை கொலை செய்த சம்பவம் தொடர்பாக கைது செய்யப்பட்ட பிள்ளையான் எனப்படும் முன்னாள் இராஜாங்க அமைச்சர் சிவனேசதுரை சந்திரகாந்தன் உட்பட 3 பேரை எதிர்வரும்  23ஆம் திகதி வரை மீண்டும் விளக்கமறியலில் வைக்குமாறு மட்டக்களப்பு நீதவான் உத்தரவிட்டுள்ளார்.

 

2008ஆம் ஆண்டு கல்லடியில் பொலிஸ் உத்தியோகத்தர் ஒருவர் உட்பட இருவர் சுட்டுக்கொலை செய்யப்பட்டமை, தமிழ் மக்கள் விடுதலைப் புலிகள் (TMVP) கட்சியின் உறுப்பினர் உட்பட இருவர் காத்தான்குடியில் வைத்து சுட்டுக்கொலை செய்யப்பட்டமை மற்றும் வவுணதீவு கரையாக்கன்தீவு பகுதியைச் சேர்ந்த வர்த்தகர் ஒருவர் கடத்தப்பட்டு கொடூரமாகக் கொலை செய்யப்பட்டமை ஆகிய சம்பவங்கள் இடம்பெற்றிருந்தன.

 

இந்தக் கொலைச் சம்பவங்களுடன் தொடர்புடையதாகக் கூறி, ஏற்கனவே 2025ஆம் ஆண்டு ஏப்ரல் மாதம் பயங்கரவாதத் தடைச் சட்டத்தின் கீழ் கைது செய்யப்பட்ட பிள்ளையான் என அழைக்கப்படும் முன்னாள் இராஜாங்க அமைச்சர் சிவநேசதுரை சந்திரகாந்தன் மற்றும் காத்தான்குடியைச் சேர்ந்த இராணுவப் புலனாய்வுப் பிரிவின் தகவலாளிகளான மொஹமட் சிபான், மொஹமட் சகீத் ஆகியோரை கடந்த 2025 நவம்பர் மாதம் குற்றப்புலனாய்வுத் துறையினர் (CID) கைது செய்தனர்.

 

இந்த 5 முக்கிய மனிதக் கொலைகள் தொடர்பாகப் பிள்ளையான், இராணுவப் புலனாய்வுப் பிரிவின் தகவலாளிகள் மற்றும் லண்டனில் உள்ள காத்தான்குடியைச் சேர்ந்த மொஹமட் பாய்ஸ் உட்பட 4 பேருக்கு எதிராக மட்டக்களப்பு நீதவான் நீதிமன்றில் கடந்த 2026 ஜூன் 17ஆம் திகதி CIDயினர் வழக்குத் தாக்கல் செய்து அவர்களை நீதிமன்றில் ஆஜர்படுத்தியதனைத் தொடர்ந்து, அவர்கள் தொடர்ச்சியாக விளக்கமறியலில் வைக்கப்பட்டு வருகின்றனர்.

 

இந்நிலையில், குறித்த வழக்கு விசாரணை இன்று (10) திறந்த நீதிமன்றில் எடுத்துக்கொள்ளப்பட்ட போது, விளக்கமறியலில் வைக்கப்பட்டிருந்த சந்தேகநபர்களான இராணுவப் புலனாய்வுப் பிரிவின் தகவலாளிகள் மொஹமட் சிபான், மொஹமட் சகீத் ஆகியோர் நேரில் ஆஜர்படுத்தப்பட்டதோடு, பிள்ளையான் காணொளி மூலமாக ஆஜர்படுத்தப்பட்டார்.

 

இதனைத் தொடர்ந்து பிள்ளையான் உட்பட 3 பேரையும் எதிர்வரும் 23ஆம் திகதி வரை மீண்டும் விளக்கமறியலில் வைக்குமாறு  நீதவான் உத்தரவிட்டார்.

நிஷாந்த ரணதுங்க கைது!

நிஷாந்த ரணதுங்க கைது!

ShortNews   November 10, 2026

​தேசிய நீர்வழங்கல் மற்றும் வடிகாலமைப்பு சபையின் முன்னாள் தலைவர் நிஷாந்த ரணசிங்க, இலஞ்ச மற்றும் ஊழல் விசாரணை ஆணைக்குழுவினால் கைதுசெய்யப்பட்டுள்ளார்.

அநுராதபுரத்தில் 3 பஸ்கள் மோதி கோர விபத்து - பலியானோர் எண்ணிக்கை 5 ஆக உயர்வு!

அநுராதபுரத்தில் 3 பஸ்கள் மோதி கோர விபத்து - பலியானோர் எண்ணிக்கை 5 ஆக உயர்வு!

ShortNews   November 10, 2026

அநுராதபுரம் - மதவாச்சி வீதியில் ரம்பேவ பகுதியில் இடம்பெற்ற கோர விபத்தில் பலியானவர்களின் எண்ணிக்கை 5 ஆக  உயர்வடைந்துள்ளதாக பொலிஸார் தெரிவித்துள்ளனர்.

இந்த சம்பவத்தில் 50க்கும் மேற்பட்டோர் காயமடைந்த நிலையில் சிகிச்சைக்காக வைத்தியசாலைகளில் அனுமதிக்கப்பட்டுள்ளதாக தெரிவிக்கப்படுகிறது.

நாட்டின் பல பகுதிகளுக்கு இன்றும் 100 மி.மீ மழைக்கு எதிர்வுகூறல்!

நாட்டின் பல பகுதிகளுக்கு இன்றும் 100 மி.மீ மழைக்கு எதிர்வுகூறல்!

ShortNews   November 10, 2026

வட மாகாணத்திலும் திருகோணமலை மாவட்டத்திலும் அவ்வப்போது மழை அல்லது இடிமின்னலுடன் கூடிய மழை பெய்யக்கூடும் என வளிமண்டலவியல் திணைக்களம் எதிர்வுகூறியுள்ளது.

 

நாட்டின் ஏனைய பகுதிகளில் பிற்பகல் 1.00 மணிக்குக்குப் பின்னர் மழையோ அல்லது இடிமின்னலுடன் கூடிய மழையோ பெய்யக்கூடும்.

 

குறிப்பாக மேல், சப்ரகமுவ, மத்திய மற்றும் ஊவா மாகாணங்களிலும் காலி மற்றும் மாத்தறை மாவட்டங்களிலும் சில இடங்களில் 100 மில்லிமீற்றருக்கும் அதிகமான பலத்த மழை பெய்யக்கூடும் என எதிர்பார்க்கப்படுகிறது.

 

இடிமின்னலுடன் கூடிய மழை பெய்யும் வேளைகளில் பலத்த காற்று வீசக்கூடும் என்பதால், மின்னல் தாக்கங்கள் மற்றும் பலத்த காற்றினால் ஏற்படக்கூடிய அசௌகரியங்களைக் குறைத்துக்கொள்ளத் தேவையான முன்னெச்சரிக்கை நடவடிக்கைகளை எடுக்குமாறு பொதுமக்கள் கேட்டுக்கொள்ளப்படுகின்றனர்.

 

மேலும், மேல், சபரகமுவ, மத்திய மற்றும் ஊவா மாகாணங்களிலும் காலி, மாத்தறை மற்றும் குருணாகல் மாவட்டங்களிலும் சில இடங்களில் அதிகாலை வேளையில் பனிமூட்டமான வானிலை நிலவக்கூடும் எனவும் எதிர்வுகூறப்பட்டுள்ளது.