அயர்லாந்து அணி இஸ்ரேலுடனான கைகுலுக்கலை மறுத்ததுடன்,
காசா நிகழ்வுகளுக்காகத் தலைவணங்கிப் போராட்டம்; 3-0 என்ற கணக்கில் வெற்றிஅங்கேரியில் நடைபெற்ற (UEFA Nations League) கால்பந்து போட்டிக்கு முன்னதாக, அயர்லாந்து அணி வீரர்கள் இஸ்ரேல் வீரர்களுடன் கைகுலுக்க மறுத்ததுடன், இஸ்ரேலின் தேசியக் கீதத்தின் போது தங்களது தலைகளையும் குனிந்து நின்றனர்.
மேலும், அயர்லாந்து அணித்தலைவர் தாரா ஓ'ஷீ (Dara O’Shea) மற்றும் இஸ்ரேல் அணித்தலைவர் மனோர் சாலமன் (Manor Solomon) ஆகியோருக்கு இடையே வழக்கமாக நடைபெறும் சின்னங்கள் (pennants) பரிமாற்றமும் நடைபெறவில்லை. அதேவேளையில், காசா போரில் உயிரிழந்தவர்களின் நினைவாக அயர்லாந்து வீரர்கள் கருப்புப் பட்டைகளை அணிந்திருந்தனர்.
காசா போரின் காரணமாக இஸ்ரேலுக்கு எதிரான போட்டிகளைப் புறக்கணிக்க வேண்டும் என்று அயர்லாந்தில் கோரிக்கைகள் வலுத்துவந்த நிலையிலேயே இச்சம்பவம் நிகழ்ந்துள்ளது.
நடுநிலையான மைதானத்தில் நடைபெற்ற இப்போட்டியில் விளையாட அயர்லாந்து வீரர்கள் பெருவாரியாக வாக்களித்திருந்த போதிலும், போட்டிக்கு முந்தைய வழக்கமான கைகுலுக்கலில் பங்கேற்பதில்லை என முடிவு செய்தனர்.
இப்போட்டியில் பங்கேற்பது "தவறானது" எனக் கூறி, அயர்லாந்தின் கோல்கீப்பர் கவின் பாஸுனு (Gavin Bazunu) போட்டிக்கு முன்னதாகவே அணியிலிருந்து விலகினார்.
தொடர்ந்து நடைபெற்ற இப்போட்டியில் அயர்லாந்து அணி 3-0 என்ற கோல் கணக்கில் இஸ்ரேலைத் தோற்கடித்தது.
