நாட்டின் பல பிரதேசங்களில் இன்று (25) 100 மில்லிமீற்றருக்கும்
அதிகமான பலத்த மழை பெய்யக்கூடும் என வளிமண்டலவியல் திணைக்களம் தெரிவித்துள்ளது.தென்மேற்கு வங்காள விரிகுடா கடற்பரப்பில் நிலவும் காற்றழுத்த தாழ்வு நிலை நாளை இலங்கையை கடக்கும் சாத்தியம் காணப்படுவதால் பல பிரதேசங்களில் இவ்வாறான மழை பெய்யக்கூடும் என திணைக்களம் மேலும் சுட்டிக்காட்டியுள்ளது.
நாட்டின் பல பகுதிகளில் மழையோ அல்லது இடியுடன் கூடிய மழையோ பெய்யக் கூடும் எனவும் வடக்கு, கிழக்கு, ஊவா மற்றும் சப்ரகமுவ மாகாணங்களிலும், காலி மற்றும் மாத்தறை மாவட்டங்களிலும் மணிக்கு 40 முதல் 50 கிலோமீற்றர் வேகத்தில் பலத்த காற்று வீசக்கூடும் என வளிமண்டலவியல் திணைக்களம் தெரிவித்துள்ளது.
