ஐரோப்பிய நாடுகளின் ஆயுதங்களினால் உக்ரைனுக்கு எந்த நன்மையும் கிடையாது - ரஷ்ய அதிபர் கிண்டல்

உக்ரைன் மீது ரஷ்யா போரில் இங்கிலாந்து, அமெரிக்கா உள்ளிட்ட மேற்கத்திய நாடுகளின் உதவியோடு ரஷ்யாவை எதிர்த்து உக்ரைன் போரிட்டு வருகிறது. 

உக்ரைன் இராணுவத்திற்கு தேவையான ஆயுத உதவி, பொருளாதார உதவிகளை மேற்கத்திய நாடுகள் வழங்கி வருகின்றன. மேலும் அபாயகரமான ஆயுதமாக கருதப்படும் 'கிளஸ்டர்' குண்டுகளை உக்ரைனுக்கு வழங்க முடிவு செய்திருப்பதாக அண்மையில் அமெரிக்கா தெரிவித்திருந்தது.

இந்த நிலையில் உக்ரைனுக்கு மேற்கத்திய நாடுகளின் ஆதரவு எந்த வகையிலும் உதவவில்லை என ரஷ்ய ஜனாதிபதி புதின் விமர்சித்துள்ளார். 

உக்ரைனின் கிழக்கு மற்றும் தெற்கு பகுதிகளில் இருந்து ரஷ்ய படைகளை வெளியேற்ற உக்ரைன் இராணுவம் மேற்கொள்ளும் முயற்சிகள் அனைத்தும் தோல்வி அடைந்து வருவதாகவும், மேற்கத்திய நாடுகளால் உக்ரைனுக்கு வழங்கப்பட்ட பீரங்கிகள், வெடிகுண்டுகள், கவச வாகனங்கள், ஏவுகணைகள் ஆகியவற்றால் எந்த பலனும் இல்லை என்றும் புதின் தெரிவித்துள்ளார்.