22 ஆவது அரசியலமைப்புத் திருத்தம் தொடர்பான உயர்நீதிமன்றத்தின் வியாக்கியானம் சபாநாயகர் ஜகத் விக்கிரமரத்னவிற்கு கிடைத்துள்ளதாக சபாநாயகர் அலுவலகம் தெரிவித்துள்ளது.
இதற்கமைய, சபாநாயகரினால் குறித்த வியாக்கியானம் எதிர்வரும் நாட்களில் பாராளுமன்றத்திற்கு அறிவிக்கப்படும்.
கடந்த ஓகஸ்ட் மாதம் 18 ஆம் திகதி 22 ஆவது அரசியலமைப்புத் திருத்தச் சட்டமூலம் நீதி மற்றும் தேசிய ஒருமைப்பாட்டு அமைச்சர் ஹர்ஷன நாணயக்காரவினால் பாராளுமன்றத்தில் சமர்ப்பிக்கப்பட்டது.
அதன்பின்னர் குறித்த சட்டமூலத்திற்கு சவால் விடுத்து உயர் நீதிமன்றத்தில் மனுக்கள் தாக்கல் செய்யப்பட்டதுடன், அவற்றை விசாரித்த பிரதம நீதியரசர் தலைமையிலான ஐவர் கொண்ட நீதிபதிகள் குழாம், சட்டமூலத்தின் அரசியலமைப்புத் தன்மை பற்றிய வியாக்கியானத்தை சபாநாயகருக்கு அனுப்பி வைப்பதாக அறிவித்தது.
22 ஆவது அரசியலமைப்புத் திருத்தச் சட்டமூலம் தொடர்பான பாராளுமன்ற விவாதம் எதிர்வரும் 24 மற்றும் 25 ஆம் திகதிகளில் நடத்துவதற்குப் பாராளுமன்ற அலுவல்கள் பற்றிய குழு அண்மையில் தீர்மானித்திருந்தமை குறிப்பிடத்தக்கது.
