பொதுபலசேனா அமைப்பின் பொதுச் செயலாளர் கலகொடஅத்தே ஞானசார தேரரை விடுதலை செய்யக் கோரி கொழும்பு விகாரமகாதேவி பூங்காவில் நடைபெற்ற 'சத்தியாக்கிரக' நிகழ்வில் கலந்துகொண்டிருந்த பலங்கொட கஸ்ஸப தேரர், இன்று (17) சனிக்கிழமை மாலை வைத்தியசாலையில் அனுமதிக்கப்பட்டுள்ளார்.
தேரரை பொலிஸார் தாக்கியதாகக் இந்த சத்தியாக்கிரக போராட்டத்தில் ஈடுபட்டுள்ளவர்கள், குற்றம் சாட்டுகின்றனர் என தெரண இணையத்தளம் செய்தி வெளியிட்டுள்ளது.
தற்போது பொலிஸாருக்கும் சத்தியாகிரகத்தில் ஈடுபட்டுள்ளவர்களுக்கும் இடையே பதற்றமான சூழல் உருவாகியுள்ளதாகவும் அந்தச் செய்தியில் குறிப்பிடப்பட்டுள்ளது.
இருப்பினும், சத்யாகிரகத்தில் பங்கேற்றவர்கள், கஸ்ஸப தேரரை 'சுவ செரிய' அம்புலன்ஸ் மூலம் வைத்தியசாலைக்கு அழைத்துச் சென்றுள்ளனர்.
