பனாமா நாட்டின் தெற்கு கடற்கரைப் பகுதிக்கு அருகில் 7.7 மெக்னிடியூட் அளவில் சக்திவாய்ந்த நிலநடுக்கம் ஒன்று பதிவாகியுள்ளதாக சர்வதேச ஊடகங்கள் தெரிவித்துள்ளன.
இந்த நிலநடுக்கம் நேற்று வெள்ளிக்கிழமை (9) கடல் மட்டத்திற்கு கீழே சுமார் 10 கிலோமீற்றர் ஆழத்தில் ஏற்பட்டுள்ளதாக அமெரிக்க புவியியல் ஆய்வு மையம் கூறியுள்ளது.
நிலநடுக்கத்தினால் ஏற்பட்ட உடனடி சேதங்கள் குறித்த தகவல்கள் எதுவும் வெளியாகவில்லை என்றாலும், மக்கள் பாதுகாப்பிற்காக வீதிகளில் தஞ்சமடைந்துள்ளனர்.
இந்த அசாதாரண சூழ்நிலையால் பனாமாவுக்கு மட்டுமன்றி கொலம்பியா, ஈக்வடார், நிகரகுவா, கோஸ்டாரிக்கா மற்றும் குவாத்தமாலா ஆகிய அண்டை நாடுகளுக்கு சுனாமி அபாயம் பரவியுள்ளதாக சர்வதேச ஊடகங்கள் குறிப்பிட்டுள்ளன.
