வீதி புனரமைப்பு பணிகளை விரைவுபடுத்த கோரிக்கை! - கலாநிதி எம்.எல்.ஏ.எம். ஹிஸ்புல்லாஹ்

#updates#new#new updates

வீதி புனரமைப்பு பணிகளை விரைவுபடுத்த கோரிக்கை! - கலாநிதி எம்.எல்.ஏ.எம். ஹிஸ்புல்லாஹ்

Zameera   December 24, 2024

 காத்தான்குடி நகர சபைக்குட்பட்ட அனர்த்தத்தினால் சேதமடைந்து காணப்படும் அனைத்து வீதிகளையும் விரைவாக புனரமைப்பு செய்யுமாறு மட்டக்களப்பு மாவட்ட பாராளுமன்ற உறுப்பினர் கலாநிதி எம்.எல்.ஏ.எம். ஹிஸ்புல்லாஹ் கிழக்கு மாகாண வீதி அபிவிருத்தி அதிகார சபையின் பணிப்பாளர் கே.சிவகுமாரிடம் இன்று (23) கோரிக்கை விடுத்தார்.

இது தொடர்பான கூட்டம் காத்தான்குடி நகர சபை பிரதான மண்டபத்தில் இடம்பெற்றது.

கலந்துரையாடலில் கிழக்கு மாகாண வீதி அபிவிருத்தி அதிகார சபையின் பணிப்பாளர் கே.சிவகுமார், திட்டத்திற்கு பொறுப்பான வீதி அபிவிருத்தி அதிகார சபையின் பொறியியலாளர் எம். திலகரத்ன, வீதி அபிவிருத்தி அதிகார சபையின் ஏனைய அதிகாரிகள், காத்தான்குடி பிரதேச செயலாளர் யூ. உதயசிறீதர், காத்தான்குடி நகர சபையின் முன்னாள் தவிசாளர் எஸ்.எஸ்.எம். அஸ்பர் உள்ளிட்ட அதிகாரிகள், ஊர் பிரமுகர்கள், பொதுமக்கள் என பலர் கலந்து கொண்டிருந்தனர்.

முதல் கட்டமாக அபிவிருத்தி செய்யப்படவுள்ள வீதிகளை பாராளுமன்ற உறுப்பினர் எம்.எல்.ஏ.எம். ஹிஸ்புல்லாஹ் தலைமையிலான குழுவினர் நேரில் சென்று பார்வையிட்டமை குறிப்பிடத்தக்கது.

(எஸ். சினீஸ் கான்)

39 நாடுகளுக்கு இலவச விசா

#updates#new#new updates

39 நாடுகளுக்கு இலவச விசா

Zameera   December 19, 2024

2025ஆம் ஆண்டு ஜனவரி மாத தொடக்கத்தில், 39 நாடுகளுக்கு இலவச விசா வழங்க உள்ளதாக இலங்கையின் வெளிவிவகார அமைச்சர் விஜிதா ஹேரத் தெரிவித்தார்.

இந்த நடவடிக்கையால் இந்தியா உட்பட வெளிநாட்டு சுற்றுலாப் பயணிகள் இலங்கைக்கு வருவதை எளிதாக்கும் என குறிப்பிட்டார். 

 

யாழ். மாவட்டத்தில் 99 பேருக்கு எலிக்காய்ச்சல்

#updates#new#new updates

யாழ். மாவட்டத்தில் 99 பேருக்கு எலிக்காய்ச்சல்

Zameera   December 18, 2024

 யாழ்ப்பாணம் மாவட்டத்தில் எலிக்காய்ச்சல் நோய் காரணமாக இதுவரை 99 பேர் பாதிக்கப்பட்டுள்ளதாக யாழ்ப்பாண மாவட்ட சுகாதார சேவைகள் பணிப்பாளர் வைத்தியர் ஆறுமுகம் கேதீஸ்வரன் தெரிவித்துள்ளார். 

தற்போது பருத்தித்துறை ஆதார வைத்தியசாலையில் 23 பேரும், யாழ்ப்பாணம் போதனா வைத்தியசாலையில் 6 பேரும் சிகிச்சை பெற்று வருவதாக அவர் விடுத்துள்ள ஊடக அறிக்கை ஒன்றில் குறிப்பிடப்பட்டுள்ளது. 

கடந்த 24 மணிநேரத்தில் பருத்தித்துறை ஆதார வைத்தியசாலையில் 9 நோயாளர்களும், யாழ்ப்பாணம் போதனா வைத்தியசாலையில் 5 நோயாளர்களும் எலிக்காய்ச்சலுடன் அனுமதிக்கப்பட்டுள்ளனர். 

இதுவரை யாழ்ப்பாணம் மாவட்டத்தில் இந்த நோய் காரணமாக 7 இறப்புக்கள் பதிவாகியுள்ளன.

இறக்குமதி செய்யப்பட்ட முதல் தொகுதி அரிசி சந்தைக்கு

#updates#new#new updates

இறக்குமதி செய்யப்பட்ட முதல் தொகுதி அரிசி சந்தைக்கு

Zameera   December 12, 2024

 தனியார் இறக்குமதியாளர்களால் இறக்குமதி செய்யப்பட்ட அரிசி சந்தைக்கு வெளியிடப்பட்டுள்ளது.

நேற்று (11) இலங்கைக்கு இறக்குமதி செய்யப்பட்ட முதல் தொகுதி அரிசி சுங்கத்திலிருந்து விடுவிக்கப்பட்டுள்ளதாக தெரிவிக்கப்படுகிறது.

நாட்டில் நிலவும் அரிசி பற்றாக்குறையை நிவர்த்தி செய்யும் வகையில், அரிசியை இறக்குமதி செய்ய தனியார் இறக்குமதியாளர்களுக்கு அரசாங்கம் அண்மையில் அனுமதி வழங்கியது.

அதன்படி, இறக்குமதியாளர்கள் அரிசியை இறக்குமதி செய்ய நடவடிக்கை எடுத்ததுடன், நேற்று 75,000 கிலோ அரிசி சுங்கத்திலிருந்து விடுவிக்கப்பட்டதாகத் தெரிவிக்கப்படுகிறது.

இந்தியாவில் இருந்து சம்பா மற்றும் வெள்ளை கச்சா அரிசி ஒரு கையிருப்பு இறக்குமதி செய்யப்பட்டுள்ளதாக கூறப்படுகிறது.

இன்றும் (12) நாளையும் (13) கூடுதலான அரிசி கையிருப்பு நாட்டை வந்தடைய உள்ளதாக அத்தியாவசிய பொருட்கள் இறக்குமதியாளர்கள் சங்கம் தெரிவித்துள்ளது.

இதேவேளை, சதொச நிறுவனத்தின் தலைவர் கலாநிதி சமித்த பெரேரா, இறக்குமதி செய்யப்பட்ட அரிசி சந்தைக்கு வருவதன் மூலம் நாட்டில் நிலவும் அரிசி தட்டுப்பாடு தீர்க்கப்படும் என தெரிவிக்கின்றார்.

நேற்றிரவு “டிவி தெரணவில்” ஒளிபரப்பான புதிய பாராளுமன்ற நிகழ்ச்சியில் கலந்துகொண்டு கருத்து தெரிவிக்கும் போதே திரு.சமித பெரேரா மேற்கண்டவாறு தெரிவித்தார்.

எலிக்காய்ச்சல் பரவும் அபாயம்

#updates#new#new updates

எலிக்காய்ச்சல் பரவும் அபாயம்

Zameera   December 07, 2024

 வெள்ளம் ஏற்பட்ட பகுதிகளில் எலிக்காய்ச்சல் பரவும் அபாயம் உள்ளதாக சுகாதாரத்துறையினர் எச்சரித்துள்ளனர்.

இரத்தினபுரி, காலி, களுத்துறை, குருநாகல், கேகாலை மற்றும் மாத்தறை ஆகிய மாவட்டங்கள் அதிக ஆபத்துள்ள பிரதேசங்களாக அடையாளம் காணப்பட்டுள்ளன.

இந்த ஆண்டில் சுமார் 10,000 எலிக்காய்ச்சல் காரணமாக பாதிக்கப்பட்டுள்ளதாக தெரிவிக்கப்பட்டுள்ளது.

ஆண்டுதோறும் எலிக் காய்ச்சலால் 120 முதல் 200 பேர் வரை உயிரிழப்பதாக சுகாதார அமைச்சகம் தெரிவித்துள்ளது.

கிருமிகள் உட்புகுந்து, எலிக்காய்ச்சலுக்கு ஆளாக நேரிடும் என சுகாதார திணைக்களம் சுட்டிக்காட்டியுள்ளது.

அறிகுறிகள் தொடர்ந்தால் உடனடியாக மருத்துவமனைக்கு செல்லுமாறு சுகாதார அமைச்சு மக்களை அறிவித்துள்ளது.

மருந்துகளின் பற்றாக்குறையுடன் போராடும் சுகாதார அமைச்சு !!

#updates#new#new updates

மருந்துகளின் பற்றாக்குறையுடன் போராடும் சுகாதார அமைச்சு !!

Zameera   December 06, 2024

 சுகாதார அமைச்சு பல அத்தியாவசிய மருந்துகள் உட்பட பல மருந்துகளின் பற்றாக்குறையுடன் போராடுகிறது என்று மூத்த அதிகாரி ஒருவர் தெரிவித்தார்.

டெய்லி மிரருக்கு கருத்துத் தெரிவித்த மருத்துவ விநியோக பிரதிப் பணிப்பாளர் நாயகம் டாக்டர் ஜி. விஜேசூரிய, பற்றாக்குறையால் பல மருத்துவமனைகள் பாதிக்கப்பட்டுள்ள நிலையில், இந்தப் பிரச்சினைக்கு தீர்வு காண்பதற்கான நடவடிக்கைகள் அமுல்படுத்தப்பட்டு வருவதால் நிலைமை கட்டுக்குள் உள்ளது என்றார்.

“மருத்துவ விநியோக பிரிவில் தற்போது சுமார் 130 மருந்துகள் பற்றாக்குறையாக உள்ளது, அதே நேரத்தில் மருத்துவமனைகளில் சுமார் 85 மருந்துகள் பற்றாக்குறையாக உள்ளன,” என்று அவர் சுட்டிக்காட்டினார்.

“பற்றாக்குறையை எதிர்கொள்ளும் சில மருந்துகளுக்கு மாற்றீடுகளைப் பயன்படுத்த அமைச்சகம் பரிந்துரைத்துள்ளது,” என்று அவர் கூறினார்.

மேலும், உடனடித் தேவையுள்ள குறிப்பிட்ட மருந்துகளை விமானத்தில் கொண்டு செல்ல அறிவுறுத்தப்பட்டதாக அவர் கூறினார்.

பற்றாக்குறைக்கான காரணங்கள் குறித்து டாக்டர் விஜேசூரியவிடம் கேட்டபோது, போதுமான சப்ளையர்கள் இல்லாததே முக்கிய சவாலாக உள்ளது என்றார்.

எனினும், 14 உயிர்காக்கும் மருந்துகளுக்கு தட்டுப்பாடு இல்லை என டாக்டர் விஜேசூரிய உறுதியளித்தார்.

தற்போது பயன்பாட்டில் உள்ள சுமார் 1,300 மருந்துகளில், 383 அத்தியாவசியமானதாகக் கருதப்படுகிறது.

டெய்லி மிரருடன் பேசிய அகில இலங்கை தனியார் மருந்தக உரிமையாளர்கள் சங்கத்தின் (AСРРОА) தலைவர் சந்திக கன்கந்த, தமது மருந்தகங்கள் குறிப்பிடத்தக்க அளவு மருந்துப் பற்றாக்குறையை எதிர்கொள்ளவில்லை என்று கூறினார்.

இதேவேளை, இவ்விடயம் தொடர்பில் கருத்து தெரிவித்த சுகாதார அமைச்சர் டொக்டர் நலிந்த ஜயதிஸ்ஸ, சோடியம் பைகார்பனேட் உள்ளிட்ட மருந்துகளுக்கான தட்டுப்பாட்டை எதிர்வரும் சில நாட்களுக்குள் தீர்க்க நடவடிக்கை எடுக்கப்படும் என தெரிவித்தார்.