மக்கள் தேவையற்ற அச்சம் கொள்ள வேண்டாம்

 

கொரோனா உள்ளிட்ட தொற்று நோய்கள் தொடர்பில் மக்கள் தேவையற்ற அச்சம் கொள்ள வேண்டாம் என சுகாதார அமைச்சு தெரிவித்துள்ளது.

தற்போது பிரதான வைத்தியசாலைகளுக்கு தினமும் வருகை தரும் நோயாளர்களின் மாதிரிகளை பெற்று பரிசோதனைகள் மேற்கொள்ளப்பட்டு வருவதாக அதன் பிரதிப் பணிப்பாளர் நாயகம் டொக்டர் ஜி.விஜேசூரிய தெரிவித்துள்ளார்.

இந்த நாட்களில், கொவிட் உள்ளிட்ட தொற்று நோய்கள் மற்றும் பல்வேறு சுவாச நோய்கள் குறித்து சமூகத்தில் மீண்டும் ஒரு விவாதம் உள்ளது.

எவ்வாறாயினும், முகமூடி அணிவதன் மூலமும், முன்னைய சுகாதார பழக்கவழக்கங்களை மீண்டும் ஏற்படுத்துவதன் மூலமும் நோய் பரவுவதை கட்டுப்படுத்த முடியும் என சுகாதார திணைக்களம் மேலும் சுட்டிக்காட்டியுள்ளது.