நோர்ட்டன்பிரிட்ஜ் பகுதியில் இன்று (26) காலை முதல் பெய்து வரும் பலத்த மழை காரணமாக விமலசுரேந்திர நீர்த்தேக்கம் வான்பாயத் தொடங்கியுள்ளது.
நீர்த்தேக்கம் வான்பாய்வதனால் வெளியேற்றப்படும் நீர் காரணமாக, களனி கங்கையில் கலக்கும் கெசல்கமு ஓயா மற்றும் களனி கங்கை ஆகியவற்றின் நீர்மட்டமும் தற்போது உயர்ந்துள்ளது.
எனவே, குறித்த நதியை ஒட்டியுள்ள தாழ்நிலப் பகுதிகள் மற்றும் அதனைச் சுற்றியுள்ள பகுதிகளில் வாழும் மக்கள் அடுத்த சில மணிநேரங்களுக்கு மிகவும் அவதானத்துடனும் விழிப்புடனும் இருக்குமாறு பாதுகாப்புப் பிரிவினால் அறிவுறுத்தப்பட்டுள்ளது.
