பயங்கரவாத தடைச்சட்டம் ஜனவரி 31 க்கு முதல் முழுமையாக இரத்துச் செய்யப்படும்

#news

பயங்கரவாத தடைச்சட்டம் ஜனவரி 31 க்கு முதல் முழுமையாக இரத்துச் செய்யப்படும்

News Editor   December 24, 2022

 

பயங்கரவாத தடைச் சட்டத்தை முழுமையாக இரத்து செய்து தேசிய பாதுகாப்பு சட்ட மூலத்தை எதிர்வரும் ஜனவரி மாதம் 31ஆம் திகதிக்கு முன்னர் பாராளுமன்றத்தில் சமர்ப்பிக்க எதிர்பார்த்துள்ளேன் என நீதி,சிறைச்சாலைகள் அலுவல்கள் மற்றும் அரசியலமைப்பு மறுசீரமைப்பு அமைச்சர் ஜனாதிபதி சட்டத்தரணி விஜயதாஸ ராஜபக்ஷ தெரிவித்தார்.

தென்கொரியாவில் நடைமுறைப்படுத்தப்பட்ட மாதிரிக்கு அமைய உண்மையை கண்டறியும் ஆணைக்குழுவை ஸ்தாபிக்கும் சட்டமூலம் அடுத்த மாதம் பாராளுமன்றத்தில் சமர்ப்பிக்கப்படும் எனவும் அமைச்சர் குறிப்பிட்டார்.

நீதி அமைச்சில் வெள்ளிக்கிழமை (டிச. 23) இடம்பெற்ற ஊடகவியலாளர் சந்திப்பில் கலந்துக் கொண்டு கருத்துரைக்கையில் மேற்கண்டவாறு குறிப்பிட்டார்.

அவர் மேலும் குறிப்பிட்டதாவது,

நடைமுறையில் உள்ள பயங்கரவாத தடைச்சட்டத்தை திருத்தம் செய்வது காலம் காலமாக காணப்படும் பிரச்சினைகளுக்கு தீர்வை பெற்றுக் கொடுக்காது என்பதால் பயங்கரவாத தடைச்சட்டத்தை முழுமையாக இரத்து அதற்கு பதிலாக தேசிய பாதுகாப்பு சட்டத்தை இயற்ற ஆரம்பக்கட்ட நடவடிக்கைகள் எடுக்கப்பட்டுள்ளன.

சட்டமாதிபர் திணைக்களத்தின் மேலதிக சொலிசிட்டர் ஜெனரால் நெரின் புள்ளே,ஜனாதிபதி சட்டத்தரணி நளிந்த இந்திர திஸ்ஸ ஆகியோரின் இணை தலைமைத்துவத்தில் தேசிய பாதுகாப்பு சட்டமூல உருவாக்க பணிகள் ஆரம்பிக்கப்பட்டுள்ளன. தேசிய பாதுகாப்பு சட்டமூலத்தை எதிர்வரும் 31ஆம் திகதி பாராளுமன்றத்தில் சமர்ப்பிக்க  எதிர்பார்த்துள்ளேன்.

நாட்டில் உண்மையான நல்லிணக்கத்தை ஸ்தாபிக்கும் வகையில் உண்மையை கண்டறியும் நடைமுறைப்படுத்தப்பட்ட உண்மையை கண்டறியும் ஆணைக்குழுவை போன்று ஒரு விசேட ஆணைக்குழுவை உருவாக்க ஆரம்பக்கட்ட நடவடிக்கை எடுக்கப்பட்டுள்ளது.

உண்மையை கண்டறியும் ஆணைக்குழுவை ஸ்தாபிப்பதற்கு முழுமையான ஒத்துழைப்பு வழங்குவதாக இலங்கைக்கான தென்கொரிய உயர்ஸ்தானிகர்,ஜப்பானுக்கான இலங்கை தூதுவர் உறுதியளித்துள்ளார்கள்.ஐக்கிய நாடுகள் சபையின் கோட்பாடுகளுக்கு அமைய நாட்டில் நல்லிணக்கம் ஸ்தாபிக்கப்படும் என்றார்.

பயங்கரவாத தடைச்சட்டத்தை முழுமையாக இரத்து செய்யுமாறு நாடளாவிய ரீதியில் எதிர்ப்புக்கள் நாளாந்தம் வலுப்பெற்ற நிலையில் உள்ளது என்றார்.

மீதொட்டமுல்ல வீடு ஒன்றில் கொள்ளை முயற்சி: பொலிஸ் கான்ஸ்டபிள் உட்பட மூவர் வெல்லம்பிட்டி பொலிஸாரால் கைது!

#World

மீதொட்டமுல்ல வீடு ஒன்றில் கொள்ளை முயற்சி: பொலிஸ் கான்ஸ்டபிள் உட்பட மூவர் வெல்லம்பிட்டி பொலிஸாரால் கைது!

News Editor   December 11, 2022

 

பொலிஸ் சீருடை அணிந்த நிலையில் வீடொன்றில் கொள்ளையடிக்கச் சென்ற நாடாளுமன்ற பிரிவு கான்ஸ்டபிள் ஒருவர் உட்பட மூவரை வெல்லம்பிட்டிய பொலிஸார் கைது செய்துள்ளனர்.

மீதொட்டமுல்ல பிரதேசத்தில் உள்ள வீடொன்றில் கொள்ளையிடுவதற்காக பொலிஸ் போதைப்பொருள் ஒழிப்புப் பணியகத்தின் உத்தியோகத்தர்களாகக் காட்டிக் கொண்டு சென்றிருந்தபோதே இவர்கள் மூவரும் கைது செய்யப்பட்டுள்ளதாக பொலிஸார் தெரிவித்தனர்.

மூவரும் ஐஸ் போதைப்பொருளுக்கு அடிமையானவர்கள் என பொலிஸார் தெரிவித்தனர்.

கொலம்பியாவில் பாரிய மண்சரிவில் சிக்கி இதுவரை 34 பேர் பலி!

#Braking news.#world#news

கொலம்பியாவில் பாரிய மண்சரிவில் சிக்கி இதுவரை 34 பேர் பலி!

ShortNews   December 06, 2022

கொலம்பியாவில் மண்சரிவினால் பஸ் மற்றும் வேறு சில வாகனங்கள் மண்ணில் புதைந்ததால் குறைந்தபட்சம் 34 பேர் உயிரிழந்துள்ளனர் என அவசரசேவைப் பிரிவு அதிகாரிகள் தெரிவித்துள்ளனர். 

கொலம்பியாவின் வட பிராந்தியத்திலுள்ள நகரில் ஞாயிற்றுக்கிழமை இச்சம்பவங்கள் இடம்பெற்றுள்ளது.

காலி எனும் நகரில் பஸ் ஒன்று மண்சரிவில் சிக்கியது. இதனால் பஸ்ஸிலிருந்த 25 பயணிகளில் பெரும்பலானோர் உயிரிழந்துள்ளனர். 

உயிரிழந்த பெண்ணொருவரின் கரங்களில் அணைத்துக்கொள்ளப்பட்டிருந்த நிலையில் குழந்தையொன்று மீட்கப்பட்டதாக ஊடகங்கள் தெரிவித்துள்ளன. 

வேறு வாகனங்களிலிருந்த சிலரும் மண்ணில் புதையுண்டுள்ளனர் என அதிகாரிகள் தெரிவித்துள்ளனர்.

முடியை மாற்ற சென்று உயிரை விட்ட நபர்!

#New updates#world

முடியை மாற்ற சென்று உயிரை விட்ட நபர்!

News Editor   December 03, 2022

முடி கொட்டுவதால் முடி மாற்று அறுவை சிகிச்சை செய்து கொண்ட, டெல்லியை சேர்ந்த 30 வயதுடைய ஆதர் ரஷீத் என்ற இளைஞர் சிறுநீரகம் செயலிழந்து உயிரிழந்துள்ளார்.

அறுவை சிகிச்சை முடிந்த சில நாட்களுக்குள் தலையில் பக்டீரியாவால் ஏற்படும் செப்சிஸ் நோய் தாக்கியுள்ளது.

ஒவ்வொரு உறுப்பாக செயலிழந்து இவர் உயிரிழந்துள்ள நிலையில், தற்போது மருத்துவர்கள் உட்பட நான்கு பேர் கைது செய்யப்பட்டுள்ளனர்.

 

மலேசிய பிரதமருடன் தொலைபேசியில் உரையாடிய ஜனாதிபதி!

#updates

மலேசிய பிரதமருடன் தொலைபேசியில் உரையாடிய ஜனாதிபதி!

News Editor   December 01, 2022

 

இலங்கைக்கும் மலேசியாவுக்கும் இடையிலான பொருளாதார உறவுகள் மேலும் வலுப்படுத்தப்பட வேண்டும் என ஜனாதிபதி ரணில் விக்ரமசிங்க தெரிவித்துள்ளார்.

மலேசியாவின் பிரதமராக பதவியேற்ற திரு.அன்வர் இப்ராஹிமுக்கு வாழ்த்து தெரிவிக்கும் போதே ஜனாதிபதி ரணில் விக்கிரமசிங்க மேற்கண்டவாறு தெரிவித்தார்.

மலேசியப் பிரதமருடன் தொலைபேசியில் உரையாடிய ஜனாதிபதி ரணில் விக்கிரமசிங்க, கடந்த காலங்களில் இரு நாடுகளுக்கும் இடையிலான உறவுகளை மேலும் வலுப்படுத்த முயற்சிகள் மேற்கொள்ளப்பட வேண்டும் என்றார்.

கொழும்பு துறைமுகத்தில் பாரிய பயணிகள் சொகுசு கப்பல் !

#Trending

கொழும்பு துறைமுகத்தில் பாரிய பயணிகள் சொகுசு கப்பல் !

News Editor   November 18, 2022

அமெரிக்காவின் முதலாவது சொகுசு பயணிகள் பயணக் கப்பலான ‘வைக்கிங் மார்ஸ்’ (Viking Mars ) இன்றையதினம் இலங்கையின் கொழும்பு துறைமுகத்தை வந்தடைந்துள்ளது.

இன்றையதினம் 900 சுற்றுலாப் பயணிகளுடன் இலங்கை வந்துள்ள குறித்த கப்பலானது நாளை வரை கொழும்பு துறைமுகத்தில் தரித்து நிற்கின்றது.

கப்பலில் வருகை தந்த சுற்றுலாப் பயணிகள், இலங்கையின் முக்கிய இடங்களை கண்டுகளிக்க ஏற்பாடுகள் செய்யப்பட்டுள்ளன.

கண்டி, பின்னவெல, காலி போன்ற நகரப் பயணங்கள், கொழும்பின் சில முக்கிய இடங்களுக்கு அழைத்துச் செல்லபப்படவுள்ளனர். 

முத்துராஜவெல மற்றும் ஆற்றில் படகுச் சவாரி, விவசாயக் கிராமங்களை பார்வையிடுதல், முச்சக்கரவண்டி சுற்றுப்பயணங்கள், கலாச்சார நிகழ்ச்சிகள், சமையல் அனுபவங்கள், கலை மற்றும் கட்டிடக்கலைச் சுற்றுலாக்கள் மற்றும் இலங்கையின் தேயிலையின் சிறப்பு போன்றவற்றை அனுபவிக்கவுள்ளமை குறிப்பிடத்தக்கது.