SHORTNEWS.LK Number 1 Tamil News website from Srilanka

பாராளுமன்றத்துக்குள் ஆர்ப்பாட்டக்காரர்களை நுழைத்து குழப்பத்தை ஏற்படுத்த முயற்சி - ரஞ்சித் மத்தும பண்டார

(செ.கவிஷனா)

வரலாற்றில் முதன்முறையாக பாராளுமன்றத்தின் நுழைவாயில்களைத் திட்டமிட்டுத் திறந்துவிட்டு, ஆர்ப்பாட்டக்காரர்களை உள்ளே நுழையச் செய்து குழப்பங்களையும் பிரச்சினைகளையும் ஏற்படுத்த முயன்றது. எவ்வாறாயினும், அரசாங்கத்தின் இத்தகைய சதி முயற்சிகளுக்கு மத்தியில், தங்களது தரப்பினர் எத்தகைய வன்முறைகளிலோ அல்லது பாராளுமன்றத்திற்குத் தீ வைப்பது போன்ற சட்டவிரோதச் செயல்களிலோ ஈடுபடவில்லை. மாறாக, தாங்கள் எப்போதுமே விதிகளுக்குட்பட்ட, அமைதியான மற்றும் ஒழுக்கமானவர்கள் என்பதை மிகத் தெளிவாக நிரூபித்துள்ளதாக ஐக்கிய மக்கள் சக்தியின் பொதுச்செயலாளர் ரஞ்சித் மத்தும பண்டார தெரிவித்தார்.

கொழும்பில் வெள்ளிக்கிழமை (25) ஐக்கிய மக்கள் சக்தி தலைமை காரியத்தில் நடைபெற்ற ஊடகவியாலளர் சந்திப்பில் கருத்து தெரிவிக்கும்போதே அவர் மேற்கண்டவாறு குறிப்பிட்டார். அங்கு அவர் மேலும் தெரிவிக்கையில்,

நாட்டில் நிறைவேற்று அதிகாரம் மற்றும் பாராளுமன்றத்தில் அரசாங்கம் பெரும்பான்மைப் பலத்தைக் கொண்டுள்ள சூழலில், பொதுமக்கள் தங்களது உரிமைகளுக்காகவும் அநீதிகளுக்கு எதிராகவும் செல்லக்கூடிய ஒரே இடமாக நீதித்துறை மாத்திரமே எஞ்சியிருந்தது. இந்நிலையில், 1978 ஆம் ஆண்டு அரசியலமைப்பின் ஊடாக வழங்கப்பட்ட அடிப்படை உரிமை மீறல் மனுக்களைத் தாக்கல் செய்யும் உரிமைகளுக்கும், நீதித்துறையின் சுதந்திரத்திற்கும் இந்த அரசாங்கம் எதிராகச் செயற்பட்டு வருகிறது. குறிப்பாக, கடந்த ஆண்டில் தாக்கல் செய்யப்பட்ட பல அடிப்படை உரிமை மீறல் மனுக்கள் தள்ளுபடி செய்யப்பட்டுள்ளமையுடன், தற்போது கொண்டுவரப்பட்டுள்ள 22 ஆவது அரசியலமைப்புத் திருத்தச் சட்டம் நாட்டின் ஜனநாயகத்திற்கு விடப்பட்ட மிகப் பெரிய அடியும் ஒரு கருப்பு நாளுமாக அமையும்.

அரசாங்கத்தின் இந்தச் சர்வாதிகாரப் போக்கினை எதிர்த்து நாட்டின் மகாநாயக்க தேரர்கள் ஜனாதிபதிக்குக் கடிதங்களை அனுப்பியுள்ள போதிலும், ஜனாதிபதி குறைந்தபட்சம் அதற்கு முறையான பதிலளிக்கக் கூட முன்வரவில்லை. மேலும், இலங்கையின் சட்டத்தரணிகள் சங்கம் (சுமார் 2,000 க்கும் மேற்பட்டோர்), உயர்நீதிமன்ற மற்றும் மாவட்ட நீதிமன்ற நீதிபதிகள் 60 பேர், அரச மருத்துவ சங்கம், பொறியியலாளர்கள், பல்வேறு தொழிற்சங்கங்கள் மற்றும் எதிர்க்கட்சிகள் என அனைத்துத் தரப்பினரும் இதற்கு ஏற்கனவே தமது கடுமையான எதிர்ப்பைப் பதிவு செய்துள்ளனர்.

அத்துடன், நேற்றையதினம் (வியாழக்கிழமை) மழைச் சூழலையும் தாண்டி மக்கள் தங்கள் உரிமைகளுக்காக வீதிக்கு இறங்கிப் போராடியுள்ளனர். எனினும், வரலாற்றில் முதன்முறையாக பாராளுமன்றத்தின் நுழைவாயில்கள் அனைத்தையும் திறந்துவிட்டு, ஆர்ப்பாட்டத்தில் ஈடுபட்ட சிலரை உள்ளே நுழையச் செய்து, வேண்டுமென்றே குழப்பங்களையும் பிரச்சினைகளையும் உருவாக்க அரசாங்கம் முயற்சித்துள்ளது. தங்களது தரப்பினர் எத்தகைய வன்முறைகளையோ பாராளுமன்றத்திற்குத் தீ வைப்பதையோ நோக்கமாகக் கொண்டவர்கள் அல்லவென்றும், மாறாக விதிகளுக்குட்பட்ட ஒழுக்கமானவர்கள் எனவும் சுட்டிக்காட்டப்பட்டுள்ளது. கடந்த காலத்தில் வன்முறைகளில் ஈடுபட்டுச் சொத்துக்களைச் சேதப்படுத்தியவர்களே இன்று அதிகாரத்தில் இருப்பதாகவும், பொலிஸாரைக் கொண்டு இவ்வாறான கீழ்த்தரமான வேலைகளில் அரசாங்கம் ஈடுபடுவதை வன்மையாகக் கண்டிப்பதாகவும் குறிப்பிட்டார்.

நாட்டின் பாராளுமன்றத்தை மட்டுமல்லாமல், கிராமிய மட்டங்களில் உள்ள பாதுகாப்புச் சபைகள், விவசாயச் சங்கங்கள் போன்ற அமைப்புக்களிலும் தங்களது அரசியல் அதிகாரத்தை பயன்படுத்தி ஒட்டுமொத்த நிர்வாகக் கட்டமைப்பையும் கைப்பற்ற அரசாங்கம் முயற்சிக்கிறது. பல்லாயிரக்கணக்கானோரின் உயிர்த் தியாகங்களினால் வென்றெடுக்கப்பட்ட இந்த ஜனநாயக உரிமைகளைச் சில தரப்பினர் அழிக்க முற்படுவதை ஒருபோதும் அனுமதிக்க முடியாது. எனவே, இந்த 22ஆவது திருத்தச் சட்டத்தை அரசாங்கம் உடனடியாகத் திரும்பப் பெற வேண்டும் என்றும், அவ்வாறு செய்யத் தவறின் இதற்கெதிரான அனைத்துப் போராட்டங்களையும் மிகத் தீவிரமாகத் தொடர்வதாகவும் ஐக்கிய மக்கள் சக்தி திட்டவட்டமாக எச்சரித்துள்ளது.

கொங்கோவில் விமான விபத்து: 16 பேர் உயிரிழப்பு

ஜனநாயகக் குடியரசு கொங்கோவின் கெங்கே பகுதியில் TRACEP நிறுவனத்துக்குச் சொந்தமான Let L-410 ரக விமானம் விபத்துக்குள்ளானதில், அதில் பயணித்த 16 பேரும் உயிரிழந்துள்ளதாக தகவல்கள் வெளியாகியுள்ளன.

9S-GUC என்ற பதிவிலக்கத்தைக் கொண்ட குறித்த விமானத்தில் 12 பயணிகளும் நான்கு பணியாளர்களும் இருந்ததாக Régie des Voies Aériennes (RVA) நிறுவனத்தின் தலைவர் தெரிவித்துள்ளார்.

கின்ஷாசா-என்டோலோவில் இருந்து கிக்விட் மற்றும் இலேபோ நோக்கி உள்ளூர் விமான சேவையில் ஈடுபட்டிருந்தபோதே குறித்த விபத்து இடம்பெற்றதாக தெரிவிக்கப்படுகிறது.

விமானம் விபத்துக்குள்ளானதற்கான காரணம் இதுவரை கண்டறியப்படவில்லை. விபத்துக்கான காரணங்கள் மற்றும் சூழ்நிலைகளை கண்டறிய அதிகாரப்பூர்வ விசாரணை முன்னெடுக்கப்படவுள்ளது.

இந்நிலையில், உயிரிழப்பு தொடர்பான தகவல்கள் ஆரம்பக்கட்டமானவை என்பதால், மேலதிக உறுதிப்படுத்தல்கள் கிடைக்கும் வரை இந்த விவரங்கள் உறுதியற்றதாகவே கருதப்படுகின்றன...

தெஹிவளையில் கைக்குண்டுத் தாக்குதலில் சிறுவர்கள் இருவர் கொல்லப்பட்ட சம்பவம் : மேலும் இருவர் கைது

தெஹிவளை, சிறிசங்கபோ மாவத்தையில் உள்ள வீடொன்றின் மீது கைக்குண்டுத் தாக்குதல் நடத்தி இரண்டு சிறுவர்களைக் கொலை செய்த சம்பவத்திற்கு உடந்தையாக இருந்த மேலும் இரண்டு சந்தேகநபர்கள் நேற்று வெள்ளிக்கிழமை (25) கைது செய்யப்பட்டுள்ளனர்.

11 ஆம் திகதி மேற்கொள்ளப்பட்ட இக் கைக்குண்டுத் தாக்குதலில் இரு சிறுவர்கள் உயிரிழந்ததுடன், அவர்களின் தந்தை பலத்த காயமடைந்தார்.

இக் குற்றச்செயல் தொடர்பில் மேல் மாகாண தெற்கு திசை குற்றப்புலனாய்வுப் பிரிவினர் தீவிர விசாரணைகளை மேற்கொண்டு வந்தனர்.

இவ்விசாரணைகளின் கீழ், தாக்குதலை நடத்திய முதன்மைச் சந்தேகநபர் உட்பட இருவர் 17 ஆம் திகதி ரிதீமாலியத்த, தெஹிவளை மற்றும் பொரலஸ்கமுவ ஆகிய பகுதிகளில் வைத்துக் கைது செய்யப்பட்டு விளக்கமறியலில் வைக்கப்பட்டுள்ளனர்.

அவர்களிடம் நடத்தப்பட்ட விசாரணைகளின் அடிப்படையில், இக் குற்றச்செயலுக்கு உடந்தையாக இருந்த குற்றச்சாட்டில் மேலதிக சந்தேகநபர்கள் இருவர் தெஹிவளை பொலிஸ் பிரிவில் வைத்து நேற்றைய தினம் கைது செய்யப்பட்டுள்ளனர்.

கைது செய்யப்பட்டவர்களிடமிருந்து 11 கிராம் 960 மில்லிகிராம் ஐஸ் போதைப்பொருள் மற்றும் குற்றச்செயலுக்குப் பயன்படுத்தப்பட்ட முச்சக்கர வண்டி என்பன பொலிஸாரால் கைப்பற்றப்பட்டுள்ளன.

கைது செய்யப்பட்டவர்கள் பிளியந்தலை மற்றும் கஹதுடுவ பகுதிகளைச் சேர்ந்த 30 மற்றும் 31 வயதுடையவர்கள் ஆவார்.

மேலும், இச் சம்பவம் தொடர்பில் மேல் மாகாண தெற்கு திசை குற்றப்புலனாய்வுப் பிரிவினர் மேலதிக விசாரணைகளில் ஈடுபட்டு வருகின்றனர்.

ஷிரான் பாஷிக்கின் தந்தைக்கு மீண்டும் விளக்கமறியல்

டுபாயிலிருந்து நாட்டுக்கு அழைத்துவரப்பட்ட சர்வதேச அளவிலான போதைப்பொருள் கடத்தல்காரர் என அறியப்படும் மொஹமட் ஷிரான் பாஷிக்கின் தந்தை அப்துல் ரஸாக் மொஹமட் பாஷிக்கை எதிர்வரும் ஒக்டோபர் மாதம் 8 ஆம் திகதி வரை விளக்கமறியலில் வைக்குமாறு கொழும்பு நீதிவான் நீதிமன்றம் உத்தரவிட்டுள்ளது.

இவ்வழக்கு புதுக்கடை நீதவான் நீதிமன்றத்தில் வெள்ளிக்கிழமை (25) விசாரணைக்கு எடுத்துக்கொள்ளப்பட்ட து. நேற்றைய தினம் வழக்கு விசாரணைக்க எடுத்துக்கொள்ளப்பட்ட போது, ஷிரான் பாஷிக்குக்கு சொந்தமான பணத்தை நாட்டுக்கு கொண்டுவந்தமை மற்றும் சட்டவிரோத பணப்பரிமாற்றத்துடன் தொடர்புடைய, மேலதிக வகுப்பு ஆசிரியரான சம்பத் அத்தடகே என்பவரும் இந்த வழக்கில் சந்தேகநபராகப் பெயரிடப்பட்டார்.

அதற்கமைய, வெளிநாட்டில் தங்கியுள்ள குறித்த சந்தேகநபர் நாட்டிற்கு வருகை தரும் தருணத்தில் அவரைக் கைது செய்யுமாறு நீதிவான் இதன்போது பிடியாணை பிறப்பித்திருந்தார். ஷிரான் பாஷிக் போதைப்பொருள் கடத்தல் மூலம் ஈட்டியதாக சந்தேகிக்கப்படும் 3 கோடி ரூபா பணத்தைப் பயன்படுத்தி, கம்பஹா பகுதியில் உள்ள சொகுசு வீடொன்றைத் தனது பெயரில் கொள்வனவு செய்தமை தொடர்பான விசாரணைகளுக்கு அமையவே அப்துல் ரஸாக் மொஹமட் பாஷிக் கடந்த செப்டம்பர் 11 ஆம் திகதி மத்திய குற்றப் புலனாய்வுப் பணியகம் கைது செய்யப்பட்டார்.

மத்திய குற்றப் புலனாய்வுப் பணியகம் விடுத்திருந்த அழைப்பாணைக்கமைய, முன்னிலையாகிய சந்தேகநபரிடம் அதிகாரிகள் நீண்ட நேரம் வாக்குமூலம் பதிவு செய்திருந்ததை தொடர்ந்து அவர் கைது செய்யப்பட்டிருந்தமை குறிப்பிடத்தக்கது. மேலும் இச்சம்பவம் தொடர்பில் மத்திய குற்றப் புலனாய்வுப் பணியகம் மேலதிக விசாரணைகளை மேற்கொண்டு வருகின்றது.

#news#breaking#srilan#trading#updates

கிழக்கு பல்கலைக்கழகத்தின் புதிய வேந்தராக பேராசிரியர் சி. மௌனகுரு நியமனம்

கிழக்கு பல்கலைக்கழகத்தின் ஆறாவது புதிய வேந்தராக ஓய்வு நிலை பேராசிரியர் சி.மௌனகுரு நியமிக்கப்பட்டுள்ளார்.

முன்னாள் கிழக்கு பல்கலைக்கழகத்தின் நுண்கலை துறைத்தலைவராக இருந்து ஓய்வுபேற்ற பேராசிரியர் மௌனகுரு அவர்கள் கிழக்கு பல்கலைக்கழகத்தின் வளர்ச்சியில் பெரும்பங்காற்றிவர்களில் ஒருவராக கருதப்படுகின்றார்.

கூத்துக்கலை,நாடக கலைகளின் சிறப்புகளை உலகெங்கும் கொண்டுசென்றவர் என்ற பெருமையினைக்கொண்டவராகவும் உள்ளார்.

அவரை கிழக்கு பல்கலைக்கழகத்தின் ஆறாவது வேந்தராக ஜனாதிபதி அனுரகுமார திசாநாயக்க நியமித்துள்ளார்.அரசு கொள்கைகளைப் படியுங்கள்

பேராசிரியர் அவர்கள் முதுகலைப் பட்டம் பெற்ற பின் 1967-லிருந்து 1968 வரை வின்செண்ட் மகளிர் உயர்தரக் கல்லூரியிலும் மைக்கேல் கல்லூரியிலும், மட்டக்களப்பு இந்துக்கல்லூயிலும் ஆசிரியராக தமிழ் பயிற்றுவித்தார். அரச ஆசிரியர் நியமனம் பெற்றபின் 1968-ல் கல்முனை சாஹிராக் கல்லூரியிலும், 1969-ல் கல்முனை வெஸ்லிக் கல்லூரியிலும் 1970-ல் வந்தாறுமூலை மத்திய கல்லூரியிலும் ஆசிரியராகப் பணியாற்றினார். 1972 முதல் 1976 வரை கொழும்பில் கல்வி அமைச்சின் பாடவிதான அபிவிருத்தி நிலையத்தில் பாட நூல் எழுத்தாளராக பணியாற்றினார்.

1977-ல் யாழ் கல்வி வலயத்தில் ஆசிரிய ஆலோசகராக இருந்தார்.யாழ்ப்பாணம் உஸ்மானியாக் கல்லூரியிலும் மூன்று ஆண்டுகள் பணியாற்றினார். 1981-ல் பலாலி ஆசிரிய பயிற்சிக் கலாசாலையில் விரிவுரையாளராகி இரண்டு ஆண்டுகள் ஆசிரிய மாணவர்களுக்குத் தமிழ் போதித்தார். 1984 முதல் 1988 வரையும் யாழ் பல்கலைக்கழகத்தில் உதவி விரிவுரையாளராகவும், 1989-லிருந்து 1991 வரை சிரேஷ்ட விரிவுரையாளராகவும் பணியாற்றினார். 1992-ல் கிழக்குப் பல்கலைக்கழகத்தில் கலைத்துறை ஆரம்பிக்கப்பட்ட போது மௌனகுரு அதில் பங்கேற்று விரிவுபடுத்தினார். நுண்கலைத் துறைத்தலைவராக கலை, பண்பாட்டுத்துறை பீடாதிபதியாக, பதில் துணைவேந்தராக, சுவாமி விபுலானந்தர் இசை நடன வளாகத்தின் இணைப்பாளராக நூலகக் குழுத்தலைவராக, தமிழ்ச் சங்கப் போஷகராக பல தளங்களில் பணியாற்றினார்.

பொலன்னறுவை சிறுநீரக வைத்தியசாலையில் வெடிப்பு : 7 பேர் காயம்

பொலன்னறுவை சிறுநீரக வைத்தியசாலையில் இன்று சனிக்கிழமை அதிகாலை (26) இடம்பெற்ற வெடிப்புச் சம்பவத்தில் 7 பேர் காயமடைந்துள்ளனர்.

வைத்தியசாலையின் சமையலறையில் எரிவாயு சிலிண்டர் வெடித்ததாலேயே இந்த விபத்து ஏற்பட்டுள்ளதாக பொலிஸார் தெரிவித்தனர்.

விபத்தில் காயமடைந்த சிறுநீரக வைத்தியசாலை ஊழியர்கள் பொலன்னறுவை வைத்தியசாலையில் சிகிச்சைகளுக்காக அனுமதிக்கப்பட்டுள்ளனர்.

இந்த வெடிப்பு சம்பவம் காரணமாக வைத்தியசாலை கட்டடத்திற்கு பலத்த சேதம் ஏற்பட்டுள்ளதாகவும் தெரிவிக்கப்படுகிறது. இச்சம்பவம் தொடர்பில் மேலதிக விசாரணைகளில் ஈடுபட்டுள்ளனர்.

இன்றும் பல இடங்களில் மழை

நாட்டின் பல இடங்களில் இன்றும் (26) பல இடங்களில் மழையுடன் கூடிய வானிலை நிலவக்கூடும் என வளிமண்டலவியல் திணைக்களம் எதிர்வுகூறியுள்ளது.

மேல் மற்றும் சப்ரகமுவ மாகாணங்களிலும், காலி, மாத்தறை, கண்டி மற்றும் நுவரெலியா மாவட்டங்களிலும் அவ்வப்போது மழை பெய்யக்கூடும்.

ஊவா மாகாணத்திலும் மட்டக்களப்பு மற்றும் அம்பாறை மாவட்டங்களிலும் பிற்பகல் 2.00 மணிக்குக்குப் பின்னர் ஓரிரு இடங்களில் மழை அல்லது இடியுடன் கூடிய மழை பெய்யக்கூடும் என திணைக்களம் தெரிவித்துள்ளது.

இடியுடன் கூடிய மழை பெய்யும் வேளைகளில் ஏற்படக்கூடிய தற்காலிக பலத்த காற்று மற்றும் மின்னல் தாக்கங்களினால் ஏற்படும் விபத்துக்களை குறைத்துக்கொள்ள தேவையான முன்னெச்சரிக்கை நடவடிக்கைகளை எடுக்குமாறு பொதுமக்கள் அறிவுறுத்தப்படுகின்றனர்.

இதேவேளை சிலாபத்திலிருந்து கொழும்பு, காலி ஊடாக மாத்தறை வரையான கரையோரத்திற்கு அப்பாற்பட்ட கடற்பரப்புகளில் அவ்வப்போது மழை அல்லது இடியுடன் கூடிய மழை பெய்யக்கூடும்.

காற்றானது தென்மேற்கு திசையிலிருந்து வீசக்கூடும் என்பதுடன், காற்றின் வேகமானது மணிக்கு 30-40 கி.மீ. வரை காணப்படும்.

காங்கேசன்துறையிலிருந்து மன்னார் ஊடாக புத்தளம் வரையான மற்றும் மாத்தறையிலிருந்து ஹம்பாந்தோட்டை ஊடாக பொத்துவில் வரையான கரையோரத்திற்கு அப்பாற்பட்ட கடற்பரப்புகளில் காற்றின் வேகமானது அவ்வப்போது மணிக்கு 50-60 கி.மீ. வரை அதிகரிக்கக்கூடும்.

காங்கேசன்துறையிலிருந்து மன்னார் ஊடாக புத்தளம் வரையான மற்றும் மாத்தறையிலிருந்து ஹம்பாந்தோட்டை ஊடாக பொத்துவில் வரையான கரையோரத்திற்கு அப்பாற்பட்ட கடற்பரப்புகள் அவ்வப்போது ஓரளவு கொந்தளிப்பாகக் காணப்படும்.

புத்தளத்திலிருந்து கொழும்பு, காலி மற்றும் மாத்தறை ஊடாக பொத்துவில் வரையான கரையோரத்திற்கு அப்பாற்பட்ட கடற்பரப்புகளில் கடல் அலைகள் சுமார் 2.0 - 2.5 மீற்றர் வரை உயரக்கூடிய சாத்தியக்கூறு காணப்படுகிறது.

இடியுடன் கூடிய மழை பெய்யும் நேரங்களில் அக் கடற்பரப்புகளில் தற்காலிகமாக பலத்த காற்று வீசக்கூடும் என்பதுடன், அவ்வேளைகளில் அக்கடற்பரப்புகள் தற்காலிகமாக மிகவும் கொந்தளிப்பாகவும் காணப்படும் என வளிமண்டலவியல் திணைக்களம் குறிப்பிட்டுள்ளது.

Friday, September 25, 2026

காலாவதியான மருந்து விசிறப்பட்ட வாழைக்குலைகள் ஆலய அன்னதானத்துக்கு விற்க முயற்சி ; சிறைத்தண்டனை விதித்த நீதிமன்றம்

காலாவதியான மருந்து விசிறப்பட்ட வாழைக்குலைகளை யாழ்ப்பாணத்தில் உள்ள பிரசித்தி பெற்ற ஆலயத்தின் அன்னதானத்துக்காக விற்பனை செய்ய முயன்றவருக்கு 6 மாத சிறைத்தண்டனையுடன், 5 ஆயிரம் ரூபாய் தண்டமும் விதிக்கப்பட்டுள்ளது.

வடமராட்சியில் உள்ள பிரசித்தி பெற்ற ஆலய மகோற்சவ திருவிழாக்கள் நடைபெற்று வரும் நிலையில், குறித்த ஆலய அன்னதான மடத்தினருக்கு விற்பனை செய்யவென ஒரு வருட காலத்துக்கு முன்னர் காலாவதியான மருந்து விசிறப்பட்ட 424 கிலோ வாழைக்குலைகளை கோப்பாய் பிரதேச பொது சுகாதார பரிசோதகர் தலைமையிலான குழுவினர் கைப்பற்றியிருந்தனர்.

மனிதர்களுக்கு தீங்கு விளைவிக்கக்கூடிய நிலையில் வாழைக்குலைகள் காணப்பட்டமையால், நீதிமன்ற உத்தரவின் பேரில் அவை முற்றாக அழிக்கப்பட்டன.

அந்நிலையில் குறித்த வாழைக்குலைகளை விற்பனை செய்ய முயன்ற குற்றச்சாட்டில் நீர்வேலி வடக்குப் பகுதியைச் சேர்ந்த நபருக்கு எதிராக யாழ்ப்பாணம் மேலதிக நீதவான் நீதிமன்றத்தில் வழக்கு தொடரப்பட்ட நிலையில், அவ்வழக்கு இன்றைய தினம் வெள்ளிக்கிழமை (25) விசாரணைக்கு எடுத்துக்கொள்ளப்பட்டது.

அதன்போது, தன் மீதான குற்றச்சாட்டை வாழைக்குலை விற்பனையாளர் ஏற்றுக்கொண்டதையடுத்து, அவருக்கு 6 மாத கால சிறைத்தண்டனையும் 5 ஆயிரம் ரூபாய் தண்டப்பணமும் நீதிமன்றம் விதித்துள்ளது.

அனுஜனின் விடுதலையை வலியுறுத்தி வவுனியாவில் பேரணி

சவுதி அரேபியாவில் மரண தண்டனையை எதிர்நோக்கி உள்ள அனோஜன் சிவராஜாவின் விடுதலையை வலியுறுத்தி வவுனியா மாவட்ட தமிழ், முஸ்லிம் பொது அமைப்புகளின் ஏற்பாட்டில் கவன ஈர்ப்பு பேரணி முன்னெடுக்கப்பட்டது.

வவுனியா கந்தசாமி கோவில் முன்றலிலிருந்து ஆரம்பமான பேரணி பஜார் வீதி வழியாக தர்மலிங்கம் வீதியை சென்றடைந்து பின் கொரவப்பத்தான வீதி ஊடாக நகர பள்ளிவாயல் வரை சென்று நிறைவு பெற்று இருந்தது.

இன்றைய மதிய வழிபாட்டை அடுத்து இஸ்லாமியர்கள் குறித்த பேரணியில் இணைந்து கொண்டிருந்ததோடு அனோஜனின் விடுதலையை வலியுறுத்திய பாதைகளையும் தாங்கியிருந்தனர்.

இதன் போது இந்து, இஸ்லாமிய, பெளத்த மத தலைவர்களின் உரைகள் இடம்பெற்றிருந்தது.

இதேவேளை ஆர்ப்பாட்டத்தில் கலந்து கொண்டிருந்தவர்கள் சவுதி அரேபிய தூதரகம், இந்திய தூதரகம் மற்றும் ஜனாதிபதிக்கு அனுப்புவதற்கான மகஜரிலும் கையொப்பம் இட்டமையும் குறிப்பிடத்தக்கது.

நிதி குற்றப் புலனாய்வுப் பிரிவில் முன்னிலையாக ஷிரந்தி கால அவகாசம் கோரிக்கை

(செ.சுபதர்ஷனி)

'சிரிலிய சவிய' அமைப்புக்கு தனியார் வங்கியொன்றினால் வழங்கப்பட்ட 10 மில்லியன் ரூபா தொடர்பான விசாரணைகளுக்கமைய, வியாழக்கிழமை (24) நீதிக் குற்றப் புலனாய்வு பிரிவில் முன்னிலையாகத் தவறிய ஷிரந்தி ராஜபக்ஷ, தான் வைத்திய சிகிச்சை பெற்றுவருவதால் வாக்குமூலம் அளிப்பதற்கு மற்றொரு திகதியை குறிப்பிடுமாறு கோரியுள்ளார்.

முன்னாள் ஜனாதிபதி மஹிந்த ராஜபக்ஷவின் மனைவியான ஷிரந்தி ராஜபக்ஷ அவர் தற்போது வைத்திய சிகிச்சைக்காக சிங்கப்பூரில் தங்கியுள்ளதால் தான் வாக்குமூலம் வழங்குவதற்கு வேறொரு திகதியை வழங்குமாறு அவரது தரப்பிலிருந்து எழுத்துப்பூர்வ கோரிக்கை விடுக்கப்பட்டுள்ளதாக பொலிஸார் தெரிவித்துள்ளனர்.

'சிரிலிய சவிய' அமைப்புக்கு தனியார் வங்கியொன்றினால் வழங்கப்பட்ட 10 மில்லியன் ரூபா நிதி தொடர்பான விசாரணைகளுக்கு அமைய ஷிரந்தி ராஜபக்ஷவிடம் வாக்குமூலம் பெறப்படவுள்ளது. கொழும்பு சிறுவர் வைத்தியசாலைக்கு ஸ்கேன் இயந்திரம் ஒன்றைக் கொள்வனவு செய்வதற்காகவே இந்த நிதி பெறப்பட்டுள்ளதாக விசாரணைகளில் தெரியவந்துள்ளது.

'சிரிலிய சவிய' அமைப்பினால் விடுக்கப்பட்ட எழுத்து மூலக் கோரிக்கைக்கு அமையவே தனியார் வங்கி இந்த 10 மில்லியன் ரூபா பணத்தை நன்கொடையாக வழங்கியுள்ளது.

எனினும் கொழும்பு சிறுவர் வைத்தியசாலைக்கு வழங்கப்பட்ட சிரி ஸ்கேன் இயந்திரமானது சீனா அரசாங்கத்தினால் நன்கொடையாக வழங்கப்பட்டுள்ளமை கண்டறியப்பட்டதை அடுத்து, தனியார் வங்கியிடம் பெறப்பட்ட 10 மில்லியன் ரூபா பணத்துக்கு என்ன நடந்தது என்பது குறித்து குற்றப்புலனாய்வுப் பிரிவினர் விசாரணைகளை முன்னெடுத்திருந்தனர். அதற்கமைய குறித்த நிதியைப் பெற்றுக்கொள்வதற்காக தனியார் வங்கியிடம் விடுக்கப்பட்ட கோரிக்கை, 'சிரிலிய சவிய' கணக்கில் பணம் வைப்புச் செய்யப்பட்ட விதம் மற்றும் அதன் பின்னர் அந்த நிதி பயன்படுத்தப்பட்ட முறைமை குறித்து விரிவான விசாரணைகள் முன்னெடுக்கப்பட்டு வருகின்றன.

இவ்விசாரணைகளுக்கு அமைவாக, கடந்த 2026 பெப்ரவரி 3ஆம் திகதியும் ஷிரந்தி ராஜபக்ஷ நிதி குற்றப்புலனாய்வுப் பிரிவில் ஆஜராகி வாக்குமூலம் அளித்திருந்தார். இதன்போது அவரிடம் 4 மணித்தியாலத்துக்கும் அதிக நேரம் விசாரணை நடத்தப்பட்டிருந்தது.

மேற்படி சம்பவம் தொடர்பில் ஷிரந்தி ராஜபக்ஷவிடம் மேலதிக வாக்குமூலத்தைப் பெறுவதற்கு நடவடிக்கை எடுக்கப்பட்டிருந்தது. எவ்வாறாயினும், தனக்கு உடலநலக் குறைவு ஏற்பட்டுள்ளதாகத் தெரிவித்தமையினால் கடந்த செப்டம்பர் 14ஆம் திகதி அவரிடம் வாக்குமூலத்தைப் பெற முடியாமல் போயிருந்ததோடு, மீள செப்டம்பர் 24ஆம் திகதி நிதி குற்றப்புலனாய்வுப் பிரிவில் ஆஜராகுமாறு உத்தரவிடப்பட்டது.

மருத்துவ சிகிச்சைக்காக கடந்த 16ஆம் திகதி நாட்டிலிருந்து வெளியேற தயாரான நிலையில், கட்டுநாயக்க விமான நிலையத்தில் வைத்து ஷிரந்தி ராஜபக்ஷவிடம் குற்றப்புலனாய்வு அதிகாரிகள், நிதி குற்றப்புலனாய்வு பிரிவில் முன்னிலையாவதற்கான எழுத்து மூல அறிவிப்பைக் கையளித்திருந்தமை குறிப்பிடத்தக்கது.

20 காடுகள் பாதுகாக்கப்பட்ட வனப்பகுதிகளாக அறிவிப்பு

"வனஸ்பதி" தேசிய வேலைத்திட்டத்திற்கு இணைவாக மேலும் 20 காடுகள் நாளை (26) பாதுகாக்கப்படும் வனப்பகுதிகளாக வர்த்தமானியில் அறிவிக்கப்படவுள்ளதாக சுற்றாடல் அமைச்சு தெரிவித்துள்ளது.

இந்த வேலைத்திட்டம் சுற்றாடல் அமைச்சர் வைத்தியர் தம்மிக படபெந்திகே தலைமையில் நுவரெலியா சததென்ன வனக் கல்லூரியில் நடைபெறவுள்ளது.

இதன்படி நுவரெலியா, கேகாலை, அம்பாறை, பதுளை, வவுனியா மற்றும் அநுராதபுரம் ஆகிய மாவட்டங்களில் அமைந்துள்ள 20 காடுகள் வர்த்தமானி மூலம் பாதுகாக்கப்படும் வனப்பகுதிகளாகப் பிரகடனப்படுத்தப்படவுள்ளதுடன், அவற்றின் மொத்த நிலப்பரப்பு சுமார் 9,538 ஹெக்டேயர் எனத் தெரிவிக்கப்படுகிறது.

தற்போதுள்ள தற்போதைய அரசாங்கத்தின் சுற்றாடல் அமைச்சு, வனப்பாதுகாப்புத் திணைக்களத்துடன் இணைந்து இதுவரை 93 காடுகளைப் பாதுகாக்கப்படும் வனப்பகுதிகளாக வர்த்தமானியில் அறிவித்துள்ளது.

இந்நிலையில் நாளை வர்த்தமானியில் வெளியிடப்படும் வனப்பகுதிகளுடன் சேர்த்து அவற்றின் மொத்த நிலப்பரப்பு சுமார் 65,000 ஹெக்டேயராக அதிகரிக்கவுள்ளது.

பொதுமக்களின் பங்களிப்பில் சம்மாந்துறைக்கு ஜனாஸா வாகனம் கையளிப்பு