ஹப்புத்தளையில் தொடர்ச்சியாக பெய்து வரும் கனமழை காரணமாக மண்மேடு சரிந்து வீழ்ந்ததில் இரண்டு வீடுகள் பகுதியளவில் சேதமடைந்துள்ளது.
எனினும், இந்த அனர்த்தத்தில் எந்த உயிராபத்தோ எவருக்கும் காயமோ ஏற்படவில்லை என தெரிவிக்கப்படுகிறது.
அத்துடன் குறித்த பகுதியில் பலத்த மழை தொடர்ச்சியாக பெய்து வருவதால் போக்குவரத்தும் பாதிக்கப்பட்டுள்ளது.
மேலும், ஹப்புத்தளை - வியாரகல பகுதியில் வீதியில் சென்றுகொண்டிருந்த ஒரு முச்சக்கரவண்டி மீது கற்கள் உருண்டு வீழ்ந்த சம்பவமும் இடம்பெற்றுள்ளது.
இதில் முச்சக்கரவண்டி பெருமளவில் சேதமடைந்துள்ளதாக கூறப்படுகிறது.
